والله انه راح مني نص (عمري) في غيابك
وأعرف اني شلت همي تاركاً حبي على الله
كني أبعد من نجوم الليل ، وأقرب من ثيابك
ياعساك وياعساني وياعسانا ، ويا عسى الله
ياعسى الدنيا تموت ومايعيش ، الا ترابك
ايه اأحبك وأعشقك واهواك والا يفتح الله
ماتعودت أفتخر بأحساسي ، الا تحت بابك
إيه ؛ أحبك والقضيه واضحه والشاهد الله
يطرد المظلوم خصمه وانت خصمي ياهلا بك
ياهلا بك يوم تجرح خافقي ويسامح الله
ياهلا بك يوم تلحق غيمتي وإلحق سرابك
جابك الله في حياتي ياحياتي جابك الله
ليش مدري00!!
وين مدري00 !!
كيف مدري00!!
بس جابك00 !!
كل ماقلت إبتدينا في المحبه قلت يالله
مادريت ان النهايه بين بعدك وإقترابك
إحسبني كل شيء في عيونك يعلم الله
كان همي إنتظر باقي عذابك في عذابك
الله الله إنتبه وإحذر وفكر الله الله
مثل ماأحسب حسابي فــــ هواكـــ ، إحسب حسابك
ماطلبت المستحيل ولارجيتك شيء لله
شآب حبك في عيوني وأنت ، توك في شبابك
رحت شيء!.. وجيت شيء!. مختلف ياحسبك الله
ماطلبت ارتفع من حجرتي وأسكن ، سحابك
يصرخ القلب المعذب يالمعذب وكل الله !!
تصدق اني مابغيت اجلس، مع حضرة جنابك
غير ذاك الزمان ويازماني منك لله
ليش ماغيرت فيني شيء يوم إني أهابك
ليش ماعلمتهم عن قصتي ، وتوحد الله
يعرفون انك سؤالي ..، ويعرفون إني جوابك
ويعرفون إني حلفت ولا أعرف أغلى من الله
والله انه راح مني ، نصف عمري في غيابك
واعرف اني شلت همي تاركاً حبي عـــ الله
