(أحبك) قلتها بقلبي..وباحساسي وبلساني
كثير قلوب ترجيها..ولكن لايهمونك
(أحبك) ماأبي غيرك..ولو غيرك ترجاني
أنا شاريك مابيعك..إذا غيري يسومونك
أموت اشتاق لك كلي..أبيك تزور أعياني
خفوقي ياغلا ينزف وله..واشواق من دونك
أطير من الفرح لامن لفى صوتك وحياني
أحس اني أهم الناس لامن قلت:شلونك؟
ألوم النفس لاقلت:بكيت وماأحد جاني
أنا عاد وش يضحكني اذا العالم يبكونك؟
إلى منك تضايقت..(أنا المسؤول والجاني)
أنا المفروض ماأرضى أخليهم يزعلونك
(أحبك )زود عن روحي عن اعمامي عن اخواني
وباقي الناس ياعمري..ترى والله يفدونك
عليم الله لاقلت أحبك)..زالت أحزاني
واذا قلت أحبك موت) صحت وقلت:مجنونك
غدير الحب في قلبك..حنان ولهفه ارواني
أذوب بهمسة عذبا..وأثبت إني مفتونك
أنا في دنيتي تايه..ولاادري وين عنواني
ويوم اني عرفتك صار عنواني هو :%عيوووووونك %
(((ترى روحي مع عيوني مناهم بس..يرضوووونك )))..
