تفتكر انساك واسامح وانسى سهم في قلبي جارح
رغم انك لسه حبي رغم انك جوة ذاتي والجوارح
مش مسامح

**********

يوم ما يجي حرامي ياخد حقنا والشعب سارح
يوم ما يبقى شبابنا تايه في القهاوي والمسارح
مش مسامح

**********

لو اكون انسان نظيف بس مش لاقي الرغيف
والكلاب تاكل وتشبع والحرامي يصير شريف
مش مسامح

**********

لما حضن الام يبقى زي اشواك الخريف
واللي كان لازم يصونا هو نفسه شيء مخيف
مش مسامح

**********

يا حبيبتي يا مصر ياللي جوة القلب ساكنة
ترخص الارواح عشانك بس انت تبقي راضية
أي حد يخون ترابك مش هاسامحه وانت عارفة
قومي ياالله صالحي ناسك ولا انت مش مسامحة

 

المصدر: شخصي
  • Currently 172/5 Stars.
  • 1 2 3 4 5
56 تصويتات / 292 مشاهدة
نشرت فى 21 نوفمبر 2009 بواسطة lance

ساحة النقاش

عدد زيارات الموقع

43,032