الكلام ده للرجال فقط :D
يعنى الستات يركنوا على جنب كده لحد ماقول الكلمتين اللى واقفين فى زورى دول :P
قولى بقى سيادتك إنت وهو وهو ,,,


مين هايرتبلك سريرك اللى إنت لسة صاحى منه دلوقتى ده؟؟
ومين هايشيل الأطباق اللى حضرتك إتغديت فيها؟؟
ولا مين هايكوي اللبس اللى إنت راميه ع تربيزة المكواة مستنى حد يكويه لسعادتك ؟؟
بلاااااااش كل ده ,,
حضرتك يعنى إحنا لسة مرتبين البيت و منضفين السجاد وإنت داخل عادى كده بالشوز بتاعتك ؟؟ ومطلوب إننا 
ننضف تانى عااااادى ولا كأنك غلطت !!
لأ وكمان رميت لبسك ع الكرسى مستنى حد ييجى يعلقه لسيادتك !!

لأ لأ لأ عيب والله :D
إنت ماتعرفش إن النبىّ صلّى الله عليه وسلّم كان يخيط ثوبه ويحيك نعله
طيب سمعت حديث رسول الله:
" خَيْرُكُمْ خَيْرُكُمْ لِأَهْلِهِ ، وَأَنَا خَيْرُكُمْ لِأَهْلِي "
رواه الترمذىُّ
ماتعرفش إنه من كمال الرجولة إنك تصلح ما أفسدته بنفسك
طيب تعرف إن فى اعتمادك على نفسك فى البيت برّ لأمّك
ورحمة لأختك
و حُب وراحة لزوجتك ^_^هما بيعملوا شغل كتير أوى فى البيت إنت مش واخد بالك منه
بلاش تثقل عليهم بأمور ممكن إنت تعملها بنفسك
فيها لو ترتب سريرك أول ما تصحى وتشيل مكان ما أكلت وتكوى لبسك بنفسك
فيها إيه لو تراعى التعب والمجهود اللى بيبذلوه وتحافظ على المكان نظيف ومرتب زى ما لاقيته
صدقنى هاتكبر أوى فى عيونهم وهايقدّروا حرصك على راحتهم
وقبل كل ده هاتتبع سُنَّة نبيك مُحمَّد ,,
وهاتبقى بجد ,, رَجُــــــــل