انا بكتب البوست ده وانا بضحك بضحك ليه بقي عشان عارف ان فى ناس هتشمت فيا وفى ناس انا عارفهم هيموتوا من الضحك ويقولوا ياعينى يا اسامه دانتا على نياتك خالص ومن هنا بعلنها صريحه انا مش على نياتى انا واد مخلص بس ساعات بقع فى غيبوبه ودي اشتغاله تانيه غير بتاعة بنت بلدي واحلى اشتغاله خدوا عندكوا فى شهر 8 اللى فات قررت اخد اجازه الصيف واروح اقضي 10 ايام فى شرم الشيخ عند صديق الطفوله محمد عيد اللى هوا عنده بازار هناك وعايش هناك حجزت الباص ورحت اركب من التحرير باص شركة الجونه وكان ميعادي الساعه 2 بالليل وصلت فى ميعادي بالظبط ووقفت على جنب اشرب سيجاره عقبال لما الباص يبتدي يتحرك وفضلت بقي اتفرج على الناس اللى هتركب معايا كان العدد مش كبير يعنى الباص يمكن تلته هيبقي فاضي ولمحت من بين الركاب بنتين كان شكلهم مميز يعن اكتر اناقه وشكلهم لطيف وطلعت ركبت الباص وقعدت مكانى وكان فى الكرسي اللى ورا البنتين مباشره والكرسي اللى جنبي كان فاضي اتحرك الباص وشغلوا فيلم رزل فقررت انى انفضله وفضلت العب فى الموبايل واتفرج من الشباك على الشارع مهو المشوار لسه طويل بتاع 6 ساعات كان تقريبا كل دقيقتين يجي لواحده من البنات موبايل وتفضل تكلم شويه وان بقول فى عقل بالى هيا الناس اللى بتكلمهم دي كلها ما بيناموش الساعه بقت 3 بالليل النحيه التانيه بقي كان فى واحد رزل جدا قاعد عمال يرملهم كلام بتناحه لدرجه انى انا اتضايقت ما بالكوا هما المهم كبرت دماغى وقعدت اسلى نفسي باى حاجه لان من حظى المنيل الكرسي اللى جنبي فاضي يعنى هقعد اكلم نفسي 6 ساعات كان فى حاجه غريبه بقي فى بنت منهم عماله تعملها وانا عمال اكدب نفسي كانت فاتحه الصور بتاعتها على الموبايل وعماله تقلب فيها بس مش ده الغريب الغريب انها كانت رافعه اديها فوق مستوى نظرها بكتير وظبطه اديها فى المكان اللى بين الكرسيين وكانها بتقولى اتفرج انا قلت فى عقل بالى يابنى انتا مجنون ولا ايه كررت الموضوع ده حوالى 3 مرات ففى المره التالته قلت ما بدهاش اتفرج بقي كانت كل الصور تقريبا صور ليها بالبكينى او بلبس خروج قريب للبكينى وفجأه لقيتها لفت راسها وبصت عليا يادي الكسوف شكلى بقي وحش طب تقول عليا ايه دلوقتى المهم احترمت نفسي والحمد لله الباص وصل الرست نزلت شربت نسكافيه وسجارتين ثلاثه وطلعت الباص تانى واول لما الباص اتحرك لقيتها لفت بصتلى وسألتنى هو فاضل كتير على شرم قلتلها حوالى ساعتين ونص قالت ياه دانا زهقانه قوى وكمان اختى نامت ممكن اجي اقعد جنبك ياسلام تنوري جت قعدت جنبي وقالتلى اصل دي اول مره نسافر بالباص احنا على طول بنيجي بالطياره قلتلها معلش استحملى شويه لان الرحله بالباص متعبه شويه سالتنى هو انتا بتشتغل فى شرم قلتلها لا انا رايح اتفسح وازور واحد صاحبي طلعت الموبايل وبدون مناسبه قالتلى شفت صوري اى رايك وابتدت تفرجنى على الصور تانى منهم صور متصوره فى استوديو تقريبا شبه عريانه ومش عارف قلعت فى الاستوديو اذاى انا بتفرج وبقلها اه لطاف اوى وعمال اديها كومنتات على الصور بس مستغرب وبقول فى عقل بالى هو انتى خفيفه ولا انتى اصلا بنت زباله وبتاعه سيكو سيكو وقررت اجل الحكم عليها لبعدين وابتدت تورينى صور لباريس وتقولى دى صورنا واحنا فى باريس الاجازه اللى فاتت اللى يموت من الضحك بقي ان الصور صور لباريس بس يعنى هما مش طالعين فى الصور المهم وقفنا فى التفتيش بتاع عيون موسي وطلبوا منا ننزل وطلبت منى البنتين انى انزل معاهم لانهم متضايقين من الولد الرزل اللى قولتلكوا عليه ونزلنا وابتدت التانيه تحكيلى عن شغلها كموديلز وكده شغلها فى الفضائيات وانا قلتلها ان ليا اصحاب فى قناه ليبرا وقناه سما دبي كمان وكان ليا معاهم شغل هناك مطولش عليكوا طلعنا تانى والبنت طلبت منى الموبايل تتكلم منه لان موبايلها فصل شحن وفضلت ترغى منه حوالى ربع ساعه وبعد ما خلصت مسحت الرقم اللى كانت بتكلمه وقبل ما نوصل شرم الشيخ كانت طلبت منى تشوفنى تانى واديتنى رقم تليفونها وخدت رقم تليفونى على اساس انها هتكلمنى عشان ازورهم عند بابى فى الفيلا وصلنا شرم الشيخ بسلام وكان محمد مستنينى وانا نازل من الباص وماسك البنت فى ايدي لان ال ايه رجلها نملت من القعده محمد بصلى كده وانا عملت نفسي معرفوش ورحت ركبت البنات تاكسي ورجعتله وطبعا بدل ما يستقبلنى بالاحضان استقبلنى بتفه كبيره وشلوط وقالى انتا بتبعنى ياض عشان السحليه دي قلتله ياعم ابدا وبعدين دول بنات ناس مش اللى بالك فيهم ضحك ضحكه وصلنى معناها فورا وقالى وحياة امك دانتا على نياتك ركبت مع محمد وروحت وانا بفكر فى حاجه واحده هى البنت دي بنت من عيله كبيره فعلا وواخده راحتها على الاخر من غير رقيب ولا بت كده كده واشتغلتنى والليله دى ما عرفتش انام خلصت اجازتى فى شرم ورجعت القاهره واتصلت بيا البنت ايه احنا مش هنشوفك ولا ايه قلتلها ان شاء الله زى ما تحبي قالتلى طب انت فين كنت انا ساعتها فى مكرم عبيد قالتلى طب تعلالى انا فى جنينه مول كان معايا يومها عربية واحد صاحبي فرحتلها على طول لانى حر الحركه ومش هتعب وانا مروح وصلت لقيت واحده تانيه خالص البنت اللى كانت لابسه على الموضه ومكشوف لابسه عبايه خليجي وقلبت سعوديه مش عارف ليه ركبت معايا واول كلمه قالتها عربيتك حلوه قوى قلتلها دي مش عربيتى قالتلى انتا هاتخزى العين من اولها ....الكلمه رنت فى دماغى هاتخزى العين اما فرنسا ايه اللى انتى روحتيها المهم ما دققتش قعدنا فى مكان بتاع واحد صاحبي فى مكرك عبيد شربنا حاجه وحسيت انى لاول مره بشوفها مش دي اللى كانت بتكلم بالشوكه والسكينه واحنا رايحين شرم اسلوبها مايل للسوقيه بشكل غريب المهم قلت ياواد انتا اللى مش مركز وقلتلها انا لازم امشي عشان ارجع العربيه لصاحبي قالتلى ايد ده لسه بدري وعلى فكره الساعه كانت 1 بالليل قلتلها معلش قالتلى طيب انتا رايح فين قلتلها شبرا قالتلى طب كويس فى خدنى فى طريقك وخد عندك الجمله اللى جايه دي قالتلى دا انا كنت عايزاك تشتؤيلى شويه حاجات مش مشكله بقي المره اللى جايه وهنا اعزرونى العرق الشبراوى طلع بصتلها بقرف وقلتلها مين ياما اشتريلك ايه وليه يعنى قالتلى ايه هتستخسر فيا قلتلها هوا انتى مين اصلا عشان اجيبلك حاجه المهم عملت فيها زعلانه وقالتلى انها ساكنه فى عمارات اغاخان على الكورنيش عندنا فى شبرا وصلتها هناك وروحت كنت اتاكدت بنسبه 80% ان البنت دي كدابه وانها من بيئه واطيه وتانى يوم اتصلت بيا الكونتيسه وقالتلى مش هاشوفك النهارده قلتلها لا قالتلى طيب خلينا بكره انا اصلا اديه وجعانى من الغسيل طول اليوم.....مين اديكى وجعاكى من الغسيل اذاى يعنى هو انتى معندكيش غساله عندنا بس بخاف على الهدوم اصلها غاليه ومش عارف اجيبها تانى وهنا ياحضرات انا فضلت اضحك وسبتها على الخط لحد ما قفلت لوحدها وانا فخور انى اكتشفت كدبها من الاول ههههههههههههههههه وبنت الباشا طلعت بهانه فى الاخر
اللى هيشمت هاحدفه بحاجه فى دماغه

http://www.youtube.com/watch?v=vgZObbKCYnc

http://www.youtube.com/watch?v=Teh5BOOJbMo&feature=player_embedded#at=21

http://www.komey.net/vb/showthread.php?t=1014&page=9

حليل ارض الجزائر
و المراكب و الطنابير الترن
حليل.. ناس ليلى
ساعة.. الليل يجن
يا غالية.. يا تمرة فؤادى
... الليلة ما عاد المراكب شرقن
و القمرى فوق نخل الفريق
فاقد الاهل يبكى.. و يحن
نحمل رسائلنا و اشواقنا
لي حبايبنا.. للاهل
و للقاطعين الرسائل
الاحلى من عسل النحل
لذات الضفائر الطائشة
بين مجلس عشيرة و بين اهل
و بخجل.. بتسأل الزائر
بلدنا..حبايبنا..اهلنا
راحو للحلة لا بكاتبوا
لا بيفيدونا.. الحصل
حليل الراحوا خلو الريح
تنوح.. فوق النخل
حليل الفاتو لدار الاهل
بدون.. اهل
الجروف الكابة من شاطئ النهر
صابا.. المحل
و النخل متاكئ وين صوت طيرو
و وجوج.. فى امل