جارى التحميل
استخدم زر ESC أو رجوع للعودة
محتاج طرطور
على مقاس سعادة البيه
مطلوب طرطور
يجيد شغل البهلوانات
مطلوب طرطور
يضحك ويبكي ويقول حكايات
مطلوب طرطور
يفقع كرسي في الكلوب ويضلم المولد
مطلوب طرطور
يسمع ويطيع ويهيج وينطح
ساعة ما اقوله طيح
مطلوب طرطور
يسرق وينهب ويهبش
ويكب في حجري
مطلوب طرطور
يعمل اللي اقوله عليه
يسودها على اهل المولد
ويبيضها على اهله وناسه
لحسن ينداسوا
مطلوب طرطور
جامد قوي يحمينا ويحمي
البهايم
ومالهوش دعوا
بالبنى آدمين
لحسن دول لو هاجوا
حيجيبها عليها واطيها
وتضيع البهايم
مطلوب طرطور
زي الفانوس منور
وياريت يبقى جواه عفريت
كلامنجي ومريح
يقول حأعمل ومايعملش
يقول حاضر ويفش
غلنا في البني آدمييييين
مطلوب طرطور
ابن حلال كان انسان
وقلب
حيوان
عشان خاطر
عيون
البهايم
ومسيرتهم
في بلاد المظاليم
مطلوب طرطوووووووووووووووووووور
ينطح من غير ما يقول
كل اللي يقول
لالالالالالالالالالالالالالالالالالالالالالالالالالالالالالالالالالالالالالالالالا
المصدر: من إبداعات الكاتب والسيناريست خالد السيد علي
ساحة النقاش