قوموا صلوا علي الحبيب
=======
اللي تايه بين ضلوعة
نفسة يلقي ف يوم حبيب
والبعيد عن ربه عايز
يلقي نفسه ف يوم قريب
العلاج قدام عيونكم
سهل مش عايز طبيب
قوموا صلوا علي الحبيب
ياللي همك فوق كتافك
حمل مش قادر عليه
ياللي خايف من ذنوبك
جاي بتسأل اعمل ايه ؟
جوه منك ذنب عارفه
عن عيونا بتداريه
العلاج قدام عيونكم 
سهل مش عايز طبيب
قوموا صلوا علي الحبيب
ياللي عشمان ف الشفاعة
الصلا احلي البضاعة
اوعي تنسي فأي ساعه
م الساعات حب الحبيب
ياللي عايز يتغفرلك
يوم حسابك كل ذنبك
اعلان الاخلاص بقلبك
تلقي رب الكون مجيب
اللي نفسه في الجوار
في القيامة يكون له دار
الطريق زي النهار
صلوا ديما ع الحبيب
اللي مش عارف طريقة
واللي مخدوع من صديقة
واللي نفسة يبل ريقة
قوم وصلي علي الحبيب
اللي محروم لبتسامة
واللي مش لاقي الكرامة
عند ربك فيه قيامة
والنجاه حب الحبيب
اللي تايه بين ضلوعة
نفسة يلقي ف يوم حبيب
والبعيد عن ربه عايز
يلقي نفسه ف يوم قريب
العلاج قدام عيونكم
سهل مش عايز طبيب
قوموا صلوا علي الحبيب