عارفين الـ
Boy friend

بوي فريند يعني :D

... مينفعش يا صاحبتي يكون عندك أصحاب ولاد

وأوعي تقوليلي إنهمـ زي أخواتك !

ممم مش عليا أنا الكلام ده :))

تعالي نتكلمـ بعقل شوية

لما يكون عندي صاحب ولد هيكون في الأول فيه حدود في الكلام

بعد شوية

الحدود دي هتختفي

وتلاقي فيه حاجات غريبة ظهرت

زي مثلاً مثلاً الهزار بالإيد

ينفع ؟ O.o

وأوعي برضو تقوليلي مبيحصلش عشان أنا شوفت بعيني محدش قالي

ده غير بقى الضحك والهزار اللي بيقلل منك ومن قيمتك كـ مسلمة

ربنا يا حبيبتي كرمك

يقول تبارك وتعالى " .. ولا متخذات أخدان "

مينفعش يجي أمر ربنا وانتي تعملي اللي على هواكِ وتقولي زي اخواتي

انتي ادرى بمصلحتك ولا ربك ؟

هاا ؟ :)

وبعد الصحوبية ممكن نلاقيه قلب بـ حب لا يرضي الله

ودي حاجة مش بإيدك ولا إيده ع فكرة

طيب ينفع ربك ينظر لقلبك ويلاقي فيه حاجة تغضبه ؟

يبقى الباب اللي يجيلك منه الريح غيره وهات بداله قبنوري :D


اقفلي الباب من الأول وحافظي على نفسك وعلى قلبك

ولو قررتي خلاص تقطعي علاقتك بأصحابك الولاد عشان ربك

هيكرمك بزوج يجعله قرة عينك :)

انويها بجد وقولي يا رب قويني وهو هيكفيكِ بحلاله عن حرامه :)