خ**مفيش حلول **
بقلم //ا. خالد الشيشيني
**************
بيقولولك متخاطرش
وبحقوقك ماتطالبش
مصر عايزه تشد حيلها كام سنه
ميهمهاش مين عاش فقير أو حتى مين اللى اتغنى
أو. (حد) أقصى للأجور أو(حد)يوم ضهره انحنى
**********
عجز الديون
هيسدّه مين غير الفقير
هو الزبون
ده ياما شال حمله بضمير
ولا جالو يوم كان اشتكى
ولا هزّ راسه بمسكنه
وتبقى مصر تشد حيلها كام سنه
**********
مفيش حلول
عند العقول
غير الغلابه الشقيانين
الشبعانين م الهم
وليل نهار فيه مغروزين
مشّوها حتى مرّه عَدْل!!!!!!!!!
أو حتى مرّه جدعنه!!!!!!!!!
وتبقى مصر تشد حيلها كام سنه
