ياللا بتشتكي من كتر كلامي
قبل ما تشتكي حطي نفسك مكاني
وشوف اديه بيكون هيامي
وفي غيابك اديه شوقي
واديه غرامي
اللي بيني وبينك كبير
وبيصفه مني حرفي الصغير
اكتبلك تقولي كلامك كتير
وانا حاسس اني ما كتبت بضمير
واديه بحسها ضعيفه
حروفي اللي م القلب نحيفه
اللي طالعه علي لساني خفيفه
توصفك حبيبتي علي كيفه
ياللا بتشتكي من كتر كلامي
قبل ما تشتكي حطي نفسك مكاني
حبيبي غايب موش موجود امامي
واديه افكاري شارده
واديه بارده احضاني
في قلبي كلام....
.لعيوني كلام
اديه عايزه تكلم
رمشي عايز
خدي عايز
حتي الشفايف
الصوابع
والاظافر
خصله الشعر اللي طاير
حسي عاجز
امام الحرف والله حاير
اي حرف يكون كفيني
اي حرف يكون لي عابر
هاتيلي حرف يقول بحبك
بالصدق االلي مالي قلبي
هاتيلي كلمه تحسسني جنبك
حرف اشوفك منه جنبي
هاتلي حرف بمعني
شبكه صوابعنا
حرف يلملمنا
م الغربه يجمعنا
هاتيلي بحر م الكلام
بمعني صدرك جوي حضني
بمعني اشوف عيونك
تخطفني م الكون تخدني
هاتيلي بحر م الكلام
يجفف لي دمعي
لما تغيب عني ايام
ينور لي شمعي
هات ياحبيبي كل الحروف
اكتبيلي منها كلمه بحبك
لو وفيتك حروفك احساسي
يبقي انا كتير كلام وتقيل علي قلبك
وهل حروفك تعطيني
طعم نفسك في انفاسي
تعطيني طعم راحه
تعطيني طعم حبك
انا كتير كلام
وموش هوعدك اني اسكت
كل ثانيه بجدد الغرام
وكل حرف هحسه هكتب
لو عاوز تبطليني كلامي
مفيش غير حل واحد
الاقيكي نايمه في احضاني
تلاقي كل حروفي راحت
بحبك ...بحبك...بحبك..
