الشباب يسالون ما معني ائتلاف شباب الثورة ( هو احنا شباب بتاع دولة تانية)
يسعدني المشاركة معاكم ويمكن اعضاء كتير لسة مش عارفني وعلشان كدة حقول اللي يحب يعلم انا مين ممكن يدخل الموقع دةhttp://kenanaonline.com/january25shabab  
النهاردة بعد ظهر اليوم  كنت بزور احد المستشفيات العامة بمحافظة الاسكندرية
نظرا لاصابتي بكسور في يدي اثناء الثورة فكان عندي استشارة مع احد الاطباء للاطمئنان علي الكسر بعد العمليات  وقبلت صدفة عدد كبير من المصابيين اللي صادفة الايام بالدخول معا يوم الجمعة 28 او الحجز بالعنبر بعد العملية .
فسالني احد الشباب سوءال ما عرفتش رد ليه حتي الان ؟
يعني احنا اضربنا واكسرنا وفي منا اللي لسة الرصاص جواه عينيه وحيعيش بيه ولسة اللي في الجبس شهور كمان  ولما طلع اللي منا واتم شفائه لقي دولة تانية بحكم  اسمه ائتلاف شباب الثورة ولما حبينا نعرف مين دول لاقيناهم في البرامج التليفزيونية
شيك حلويين والجيل بشعرهم وما لقناش حد منهم كان مصاب ولا حد منهم يعني واخد
طوبة في عينه او بيعاني من اللي احنا فيه.
ولما حبينا نشترك معهم ودة حقنا لاقينا صعوبة في معرفة ازاي اختروا الشباب دي
علشان يتكلم باسم كل شباب مصر .
ومش عارفين دول عل اي اساس بقوا هم ائتلاف شباب الثورة . اللي يامروا الشباب بالطلوع في يوم الجمعة او عدم الطلوع يوم الجمعة اللي عاوزيين مطالب باسم ائتلاف شباب الثورة  وفي علي الفيس بوك صفحة عدد اعضائها اكثر 12000 عضو اسمها لا نحب ائتلاف شباب الثورة التكلم باسمنا . نحن الشباب
وسالني واحد تاني من المصابين وقال قلي هو ائتلاف شباب الثورة اللي بيجي في التليفزيون دة من شباب التحرير بس يعني باقي المحافظات كانوا شباب في دولة تانية
يعني احنا بنغير الحياة و اصابنا ومات مننا ناس كتير وشباب كتير في محافظات مختلفة علشان في الاخر مجموعة من الشباب هما اللي يخدوا وش القفس واحنا اللي جواه القفس المفعص والمعفن واللي غير صالح . ولا علشان الاعلام عندهم هناك في القاهرة فانتهزوا الفرصة وباقوا هم الائتلاف في وقت ما احنا كنا بنشتكي من الام اصابتنا
احنا شباب موءهلات وشباب متعلم ولازم يعرفوا اننا كنا في كل محافظات الجمهورية
مش ميدان التحرير بس اللي طير واسقط النظام .
رديت في الاخر قال يا جماعة اللي عاوز يعمل حاجة لبلده مش لازم يكون في مجموعة ائتلاف شباب الثورة ممكن تعمل وتعبر عن نفسك وعن محافظتك وسيب اللي يتكلم يتكلم .          كتير من شباب المحافظات مش معترف بحكاية ائتلاف شباب الثورة دي
عاوز تطلع يوم الجمعة في مظهرة اطلع مش عاوز ما تطلعش ما تخليش حد يقصر عليك او يامرك خلي عقلك هو صاحب القرار كون ايجابي وما تكونش سالبي.
وفي الاخر اتسال هل كان ردي صحيح هل كان من حق كل المصابين دول يلقوا تعويضا عن ذلك بالمشاركة في الحياة السياسية.
برجاء التعليق .