اسد وقرد وكلب

الأسد : شايفك زعلان ياقرد
القرد : الحيوانات بيقولوا انى هزيل وماليش  شخصية
الأسد: لكن انت لك دور عظيم فى الغابة
القرد : بجد ياملك الغابة
الأسد : بالتأكيد ، دورك ع الشجر فى استطلاع الأمور تشوف اللى جاى من بعيد وتصيح لنا ناخد حذرنا
القرد : انا نفسى يحكوا عنى انى قوى
الأسد : تقصد ايه يا قرد وضح كلامك؟؟
القرد :  بصراحة ياملك الغابة انا عايز . . عايز

الأسد : همممم عايز ايه خلصنى

القرد : حضرتك عقلك كبير وقلبك أكبر وهتفهم قصدى صح . . والله انا ما اقصد حاجة كدا ولا كدا

الأسد : انا عارف انت ايه من غير ما تحكى . . خلصنى . . طلباتك

القرد  : عايز أكتفك امام الحيوانات عشان يعرفوا انى قوى


الأسد : انت اتجننت يا قرد. . دى اهانة . . انت أد الكلام ده

القرد  : حاشى لله ياملك الغابة. . مكانتك محغوظة كلهم عارفين انك الملك بس عايزهم يقدرونى زى ما سعادتك بتقدرنى وعارف انى مهم للاستطاع فوق الشجـــر

الأسد : لكن . . .
القرد : مرة واحد ياملكنا ياعظيم
الأسد :  Ok

كتف القرد الأسد أمام الحيوانات ، وأخذ يهتف انا الملك انا اللى باربط ملوك الغابات انا اللى بيدى أربط هذا الملك

وبالفعل ربط القرد الاسد
الأسد : خلاص خلصنا ياقرد . . . يالله حِلِنى . . يالله فك
القرد فضل يلعب بلحية الأسد و وينكش شعره والحيوانات تستغرب الموقف
بعدها والحيوانات نحولت الى حالة من الهمجية غير المسبوقة
القرود تعبث بأذيال النمور
والضفادع ارتفع صوتها فى عـز النهار
والفئران خرجت من الجحور
وملأت الطرق وتسلقت الأفرع وبالت على فراء الغزلان
المهم
اتى الليل . ., , ومر الكلب على الاسد ليعطيه تمام حراسته

الكلب : ايه ده ؟ ايه اللى انا شايفه ده ؟؟ ملك الغابة مربوط ؟؟
أى جنى دا اللى ربطك يا ملكنا العزيز
حكى الأسد الموقف للكلب
طلب الأسد من الكلب ان يحل قيوده
لكن الغريب ان الكلب طلب ان هذا الحل يكون امام جميع الحيوانات مثل القرد تماماً
الأسد: No proplem
اجتمعت الحيوانات ووقف الكلب يهلل ويهوهو
انا الكلب الملك انا اللى باحل الملوك فى الغابات
انا اللى بيدى الحل المستعصى ع الملوك
والأسد يطلب منه ان يحله من قيده
وأخيراً حل الكلب الأسد من قيده
المفاجأة كانت ان الأسد أخد اولاده وعشيرته وبدأ يرحل عن الغابة
جميع الحيوانات
الغزلان والطيور والفيلة والنمور وحتى التماسيح
وقفت تنادى ع الأسد
الحيوانات : ناوى انت ناوى ليه تهجرنا يا ملك الغابة ؟
الأسد : خلاص مالنا مكان فى الغابة دى

و خذوها منى كلمة وهى حكمة
عمر الأسد ماهيعيش فى مكان

 الحل والربط فيه بيد الكلب والقرد
لآن هذا المكان اذا حكمته القرود والكلاب 

عمره ماهيستقيم حاله

المصدر: من الحياة
  • Currently 0/5 Stars.
  • 1 2 3 4 5
0 تصويتات / 239 مشاهدة
نشرت فى 25 أكتوبر 2014 بواسطة jamalhafez

ساحة النقاش

عدد زيارات الموقع

82,932