جارى التحميل
استخدم زر ESC أو رجوع للعودة
د.حسان رجب
ثلاثةعقود.....
.....وشوية سنين
وشعبك يا مصر....
... يائس حزين
بلا أمل..... بلا عمل.... بلا كلام
خصخصه مصمصه...هو ده النظام
مصانع الشعب إتباعت
وقالوا خرده للتجديد
وفوقيهم باعوا كم مصنع
أسمنت على حديد
والأراضي اتباعت ..بلا تحديد
والثمن المعلن...بخس
والفرق
حدث ولا تزيد:
جيوب...إتنفخت
بنوك...إتملت:
درج مكاتب الحكومه مفتوح
عاوز تخلص ...إدفع اللحلوح:
والشرطه تسوسك
على قد فلوسك
تدفع تبقا حنتوش
واللي معهوش...مايلزموش
هي دي الفته يا بجبوح:::
اللي ينجز ...عليه بالونجز:
ده مثل إتقال
في زمن معجز
ده عشان الشعب المنجز
وعشانو إتعمل برلمان حديث
دستوري مش شرعي
عشان التوريث::_::
وعشان السرقه
كمان...والتدليس
هل هلالك يا برلمان
شعب وشورى خربان
شله سرقت.
..أعضاء الغلبان
وشله باعت..
.المرض للمرضان
وشله باعت .
..الضلمه للعميان:
وشله هربت آثاروسلاح...
وحشيش كمان:
والشرطة بتعظم..
.حصانه يابرلمان
دولت نواب... ولا
.شلة شيطان
::شلل وملل .
..وبتوع نسوان
: أدي مجلس الشعب والشورى
...أدي البرلمان::_::
كان فيه أشراف...ده كان زمان:
جماعات مستوره...أقليه منظوره.
بتوع الجماهير المقهوره
لكن حلفاء الشيطان
مخلوش للشعب مكان
ووياهم إسرائيل والأمريكان
أهم دول...الشيطان
ممنوع...توقف وتطالب
ممنوع...تدعم مجاهدومحارب
ممنوع...تطلب الأمن والأمان
... لأهلك لشعبك من الطغيان
هو مش لازم يكون...قرارنا بإيدينا
واللي يملك غذائه
...يكون في أمان:
ويكون سيد قراره.
..كمان
أكتب يا زمان..
.سجل يا زمان.
..الطوفان جيه..
.جاء الطوفان
_::جاء النصر
جاءت ثورة الشبان
: ضد القهر والظلم
ضدالطغيان
هدير الثورة
في كل مكان
من مصرنا الحبيبة
لكرامة الإنسان
سجل يازمان
اكتب يازمان25يناير
ثورة حضاره
ثورة عراقة وايمان
ثورة نورت الدنيا
بدم الشجعان
ثورة غيرت مفهوم
القوة والسلطان
قالت أهو المصري
في الميدان
بأصاله وحضاره
وحداثة الإنسان
في التحرير وميدانه
غير الزمان
محا سنين الظلم
سنين القهر
سنين الطغيان
لا اسرائيل ولا امريكان
حرية عدالة ديموقراطية
جيش وشعب متحدان
سجل يا تاريخ
اشهد يا زمان
الحكم
حكم الشعب
مش الطغيان
والنصر دايما
حليف الشجعان
حليف الشعب
مش السلطان
فاذا الشعب اراد
أن يعدل
الميزان
فالله حليفه
أينما كان
شعر د.حسان رجب _ القاهرة
المصدر: شعر :د.حسان رجب
ساحة النقاش