اناولا سلبية 

ولا مش وطنية 
ولا مش خايفة علي مصلحة البلد دي
أنا طلعت ويوم ما فتحت عيني لاقنيتني من أهلها طبيعي أني أحبها
ولما كبرت وعرفت حال البلد ولحد سنوات فاتوا كنت من اللي بيحبوا البلد دي وبيفتخروا أنهم من أهلها ......
وعشت وكبرت ولما بدأت أحلم حلمت أن في يوم أجيب ولحد يحرر ارضها .....
حلمت بالحرب في وقت أمنها وحسيت بحرية أرضها أتمنيت أن أبني يكون علي أرضها ....

أيجابيتي مش في أني أخرج واعلي صوتي بمطالب كتير اه من حقنا نطلب ولحد 25/1 أنا كنت مقتنعه بالملايين بس لحد ما الدم بقي هادر والناس مصابين لحد كدا ولازم أقول للملايين أسكتوا وبجد لازم نصبر لحد ما نشوف الحكومة هتعمل ايه ؟

بجد ومش خمول ومش كلام أتأثرت بيه بس اللي أتاثرت بيه هو دم الميات اللي راحوا واللي اتصابوا وأنا من جوايا بقول كل دا في مصلخة مين وذمب مين....

في مصلحة مين يا وطني لما تنزل وتقول جمعه الرحيل ولا جمعة الغضب 
في مصلحة مين لما تنزل وتقول تحيا مصر بدون ....
وتلاقي ناس تانية بتردد عبارات ممكن تستفز فكرك مش الحق 
وتضرب وتحصل شحنات بين أخوات وناس تتصاب وناس تموت 
وناس تروح وتنسي اللي انت نازل علشانه تنسي مصر طب ما اللي جمبك 
دا من بلدك دا أبن مصر 

بجد كفاااااااااااااية

ولا هفكرك بكلام عقل ولا كلام وطنين ولا كلام رئيس 
هفكرك بموقف خير البشر
كلام حبيبك رسول الله صلي الله عليه وسلم
أمتثل بأمر رسول الله 

< إذا رأيت الناس قد مرجت عهودهم ، وخفت أماناتهم ، وكانوا هكذا : وشبك بين أصابعه . قال ( الراوي ) : فقمت إليه ، فقلت له : كيف أفعل عند ذلك جعلني الله فداك ؟ قال : الزم بيتك ، واملك عليك لسانك ، وخذ ما تعرف ، ودع ما تنكر ، وعليك بأمر خاصة نفسك ، ودع عنك أمر العامة 

دع أمر العامة 
خلاص المطالب بدأت تتنفذ بجد لازم نصبر شويه 
ياريت نفتكر مصر وننسي أننا ننزل بكرة ونطلب بأي حاجة تاني 

بجد يا شباب كفاية 

يارب أحفظ
مصر وأحمي بلدنا بحب شبابها ليها 
أفتكروا 
أدخلوا مصر إن شاء الله آمنين 

علشان كدا مش هننزل الجمعه وهننزل السبت إن شاء الله
تنظم جمعية رسالة حملة تبرع بالدم لصالح المصابين في المظاهرات
وإن شاء الله هنبقي في أنتظار مشاركتكم معانا
يوم السبت الجاري من الساعة 10ص للساعة 3ع
في إنتظاركم
جمعية رسالة حلوان 16 شارع يوسف أمام رئاسة حي حلوان