السلام عليكم ورحمه الله وبركاته
انهارده يا شباب هنبدا اول حلقه من حلقات برنامجنا كيف واخواتها
وزي مقولتلكم انها هتكون عباره عن اجابه لسؤال ممكن يغير حياتنا في صوره ايه قرانيه او حديث من السنه النبويه او مقوله او عبره وحكايه....
يلا بينا نشوف ونتعرف علي اول حلقه من برنامجنا كيف واخواتها؟؟؟؟؟
******************************************
بنسال نفسنا كتير اوي ابدا منين؟؟؟
وبنحتار ومش بنعرف نختار او حتي ناخد قرار حقيقي نعلن بيه البدايه لحياه جميله احنا نفسنا فيها ونضع بيها نهايه لحياه احنا تعبنا منها وعانينا كتير وياها؟!!
وناس كتير عاشت كتير من غير متقدر تجاوب علي سؤالنا ابدا منين؟؟
شباااااااااااااااااب كتير اوي جواه احلام كتير وامال وطموحات واهداف وطول الوقت بيتكلم فيها ولما تساله وياتري انت فين من كل ده يقولك والله نفسي بس مش عارف ابدا منين
وانهارده هنحاول مع بعض نلاقي جواب لسؤال كتير منا
عشان نعرف بقي نبدا حياتنا ونواصل خطواتنا ونحقق طموحاتنا وننقلها من مجرد احلام لواقع ملموس
..............................................................
الخطوه الاولي:خد قرار حاسم 
خدها مني كلمه احلامنا هتموت لو مبداناش نحققها دلوقتي لان لكل مرحله حلاوتها وتحدياتها ومشاكلها وحلوها ومرها
ولو محققتش الي نفسك فيه انهارده ممكن اوي يضيع منك بكره وبعد بكره
ليه مش بتصلي فالمسجد؟؟ مانا باذن الله ناوي بس بعد مخلص الامتحانات وافوق
طيب ليه مش بتصلي الفجر؟؟ مانا والله نفسي بس معرفش ليه بكسل!!
ليه مبتطورشي لغتك وتتعلمها صح؟ اه مانا عاوز بس مش فاضي
ليه منزلتش ترينينج السنه ديه؟؟ انا كان نفسي بس الاجازه بقي ياعم قشطه عاوز اريح!!
ليه وليه وليه والف ليه والف عذر ومليون حجه بنضحك بيها علي نفسنا وبنقتل بيها احلامنا وبنضيع بيها عمرنا هباءا
عشان كنا ضعاف وعشان مفهمناش الحياه صح وعشان مقدرناش ناخد قرار
مش كفايه بقي 
خليك راجل وخد قرار ودلوقتي حالا وابدا غير حاجه واحده بقرار حاسم وهتلاقي نفسك واحده واحده بتغير حياتك كلها
..................................................................
الخطوه التانيه:التوكل علي الله وارجاع الفضل له
كم واحد فينا ناسي ربنا سبحانه وتعالي وكم واحد فينا نسي او تناسي انه لولا فضل ربنا عليه مكانشي نجح 
ومكنشي اشتغل ومكنشي اصلا لسه بينا دلوقتي
قبل متعمل اي حاجه في حياتك توكل علي الله وبعد متاخد قرارك توكل علي الله وخد بالاسباب واجتهد واسعي 
واول متوصل اياك تنسب الفضل ليك
لان لولاه مكنتش هتوصل
                          فالتوكل علي الله قوة للنفس،ودعم قوي للروح،واصلاح لقلب الانسان وحياته                 
دعوه الي التوكل
 وَمَا لَنَا أَلاَّ نَتَوَكَّلَ عَلَى اللّهِ وَقَدْ هَدَانَا سُبُلَنَا
 فمن ثمار التوكل السرور والراحه النفسيه والتفاؤل والامل والكفايه والرزق
...........................................................................
الخطوه الثالثه:عيش حلمك
الخطوه التالته والاخيره في حلقتنا انهارده هي انك تعيش حلمك
يعني ايه اعيش حلمك؟؟؟
انا عاوز افكرك بان انهارده لسه اول حلقه من حلقاتنا ويادوب انا بصحصحك
مش معقول بتكون غارق فالاحلام واقولك مره واحده اعمل وقوم ونفذ
انا عارف انك بتحلم كتير اوي 
وانهارده حاولت اربط بين حلمك الكبير الي انت طول الوقت بتحلم بيه وبس
بمشاعر قويه زي القرار مش معني انك اخدت قرار انك نفذت خلاص
اسمع معايا كده الحكايه ديه
كان فيه مره تلات عصافير فوق الشجره واحد منهم قرر يطير
ياتري كام عصفور اتبقي علي الشجره
طبعا لانك عبقري هتقول وهي محتاجه اكيد اتنين
اقولك لا يا حبيبي ده بس قرر مجرد قرر 
ولكنه لازم يحط ده فالفعل وبعد القرار يتوكل وبعد التوكل يبتدي ينفذ وده لسه مش انهارده
احنا انهارده حاولنا نربط بين الاحلام واليقطه ونتحول من الحياه الاواعيه الي حياه واعيه
ايوه انا عندي حلم وعشان احققه لازم اعيشه الاول في خيالي وبمجرد لما اقرر اعيشه في خيالي عقلي الاواعي هيساعدني انظمه وابتدي اسال نفسي طيب ازااااااااااااااااااي؟؟؟؟؟؟
وهو ده الي هنعرفه الحلقه الي جايه
استودعكم الله والسلام عليكم ورحمة الله وبركاته
اخوكم في الله