بسم الله الرحمن الرحيم

مبدئيا الطريقة دى للى عاوز يغطى 1 كيلو اما اللى عاوز غطى اكتر من كدة فالبوليت موجود

=======================================

فى ناس كتير مكبرة الحكايه على نفسها وتقعد تقولك عاوز مهندس يعملى الشبكة علشان هو خايف يبوظ حاجة وكدة

لازم يعمل كل حاجة بنفسة ويجرب لأنة لو مجربش وغلط مش هيعرف الصح وهيعتمد على المهندس اعتماد كلى

انا مكنتش افقه شىء فى اللاسلكى ولا اعرف اسم الاكسسات حتى ولكن مع الوقت ودخول المنتدى ومتابعة الاخبار

قدرت اجمع بعض المعلومات اللى خليتنى على اول الطريق ومع الوقت بقيت احل المشاكل اللى بتظهر عندى

اولا الشبكة عندى كانت شبكة سلكية عادية جدا مع سيرفر ميكروتك

ولكن بعض الاصحاب بيتهم يبعد عنى حوالى 500 متر بالظبط بقياس جوجل كانوا عاوزين يوصلوا فملهاش حل غير اللاسلكى

دورت هنا وفى كذا موقع وفى جوجل عن شروحات للعمليه دى والحمدلله قدرت اعمل الشبكة وظهرت مشاكل كتير جدا

لحد ما فكرت اقفل اللاسلكى ولكن بعد حل المشاكل دى الحمدلله الويرليس الان بدون اى مشاكل

وانا هقول تجربتى هنا

-----------------------------------------------

اولا الشبكة مكونة من 2 أكسس ايرليف 5460 مرفوع الباور ليهم

لو عندك شبكة سلكية تقدر تحط اى اكسس عند اى سويتش عندك وتديله وصلة زى اى جهاز عادى ومن الوصله دى هو بيبث الشبكة عادى

الايرليف من اكتر الاكسسات المحترمة فى السوق وسعرها على قد الايد ويغطى معاك كويس جدا

بيتى موجود فى منتصف المدينة اللى انا فيها وفيها رافع الاكسسين على بيتين بينهم وبين بعض حوالى 100 متر

ارتفاع كل برج منهم حوالى من 6 ل 7 متر وكل بيت حوالى 5 ادوار

وانا برجح الارتفاع للبعد عن العوائق نهائيا

وهنستخدم فى حدود من 200 ل 300 متر اكسسات استقبال tp-link 501 وسعرها فى السوق حوالى 150 جنية تقريبا

ودى تستخدم فى المناطق القريبة بس علشان تلقط اشارة كويسة وتشغل نت كويس

اما لو ابعد من 300 متر فهنجيب جهاز ايرليف زى الارسال بالظبط وهنشغله يونيفرسال ربيتر وكل ده هشرحه بالصور

-----------------------------------------

بكدة المكونات

اكسس ايرليف للإرسال

والاستقبال ب tp-link 501 او ايرليف 5460

-----------------------------------------------

مكونات البرج اللى هترفع بيه

طبعا كلنا عاوزين مواد اقتصادية نشتغل بيها علشان منكلفش نفسنا

انا عن نفسى عامل البرج الاول عبارة عن 3 خشبات مربوطين مع بعض بمسامير وطولهم حوالى 7 متر على بيت حوالى 5 ادوار وعلى بعد 600 متر الاكسس الاستقبال ايرليف برضو لاقط الاشارة 55db فحاجة كويسة ومحترمة معايا جدا

والبرج التانى عبارة عن ماسورة 2 بوصة بطول 6 متر ومغطية نفس المسافة

----------------------------------------

نيجى لمسألة هنرفع الاكسس ازاى وطريقة الحماية وكدة

انا عن نفسى بجيب بكرة لزق بلاستر ب 2 جنية واى علبة كرتون موجودة وبحط الاكسس جواها وبعمل فتحة للأنتينا فى العلبة

وبغطى العلبة بالكامل باللزق وهى بكرة واحدة كفايه وبغطة مكان فتحة الانتينا باللزق برضو منعا لتسريب المياة فى حالة الامطارونفس بكرة اللزق بلزق العلبة فى الماسورة او الخشبة اللى رافع عليها

وبيدخل فى نفس العلبة سلك كهربا وسلك النت وبيبقى معاهم الترنس بتاع الاكسس وكل دا فى العلبة ونقفلها كويس

-------------------------------------------

نبدأ الشرح للإعدادات الرئيسية فى الارسال والاستقبال

والشرح على اكسس ايرليف 5460 فى الارسال

وفى الاستقبال على ايرليف 5460 وtp-link 501

-----------------------------

الارسال

اكسس ايرليف 5460

هناخد وصلة من السويتش وندخلها فى الاكسس عادى جدا أكنك بتوصل لجهاز عادى

وندخل على صفحة الاعدادات الرئيسية

192.168.100.252

ودا شكلها



اولا هندخل نغير السوفت ونعلى الباور علشان مدى الارسال يزيد

دا رابط السوفت

http://www.mediafire.com/?4n3y4gntolg

هنقف على اخر اختيار اللى هو Other

هنلاقى قايمة من 5 اختيارات ظهرت هنختار Upgrade Firmware



ثم



ثم نختار السوفت من على الهارد



ثم نضغط على U[load



هنلاقيه عمل ريستارت وبكدة السوفت نزل ولازم الطريقة دى تتعمل عن طريق السلك فقط بتوصيل الاكسس بالكمبيوتر عن طريق سلك وليس عن طريق اللاسلكى حتى لا تتسبب بحرق الاكسس

-----------------------------------


ثانيا هندخل نخلى اى بى الاكسس بنفس رينج ايبيهات السيرفر بتاعنا او الروتر علشان يوزع الايبيهات اوتوماتيك كأنة سويتش

هندخل على تالت اختيار TCP / IP



الايبيهات بتاعت الشبكة بتاعتى 5.5.5.1 فخليت اى بى الاكسس 5.5.5.219 وانت هتغير الاى بى على اساس الرينج بتاع

الاى بى الاساسى كان 192.168.100.252 وغيرته ل 5.5.5.219 علشان يوزع الايبيهات عادى اوتوماتيك

بعد كدة هتطلعلك رسالة دوس اوك لحفظ البيانات

بعد كدة هنتجه لأول اختيار فوق Mode

هتفتحلنا الشاشة دى



احنا هنشتغل على اول واحد وهو هتلاقيه هو اللى موجود زى ماهو كدة

AP

هو اختيار اكسس بوينت يعنى ارسال من الاخر ودا اللى هنشتغل عليه دلوقتى

هتدوس على setup الى قدام AP

هتفتحلنا الشاشة دى

1. هنكتب فيها اسم الشبكة بتاعتنا اللى هنبثها واللى هيلقطها المشتركين
2. مود الارسال ويفضل المود b لثباته
   
3. هنكتب اسم الشبكة تانى
4. دى قناة الارسال ودى انت اختار اللى يعجبك حسب التجربة فى الارسال وانا عن نفسى كنت مشغل على القناة 11 وحاليا مشغل واحد على القناة 6 وواحد على القناة 7
5. دى الخيارات الخاصة بالتشفير للأكسس
6. دى خيارات متقدمة هنشرحها دلوقتى لان عن طريقها هنعلى الباور
7. من هنا هنحط الماك ادريس بتاع الاكسسات او الماكات بتاع اجهزة المشتركين علشان محدش يدخل على الاكسس وياخد نت غير اللى عاوزينه يدخل
8. دى لوضع كمية معينة لكل يوزر وانا مش عامل فيها حاجة لان عندى سيرفر بيظبط كل الكلام ده

هندخل دلوقتى علشان نعلى الباور لزيادة مدى الارسال

هنختار من القائمة من الرقم 6 الخيارات المتقدمة



وهندوس على setup

هتفتحلنا القائمة دى



هنعدل من رقم 2 هنخلى بدل 18 هنخليها 26 وندوس اوك

ومن رقم واحد هنخلى 5.5 زى منا موضح ورقم واحد دى هتظهرلك لو انت عامل المود b زى ما احنا قايلين اما لو مش عاملة مش هتظهر

وبعد كدة اختار Apply Changes

ودوس اوك

وهنختار بعد كدة خيارات وضع الماك ادريس علشان محدش يدخل على الاكسسات غير اللى احنا عاوزينه

من الاختيار السابع





هنختار بدل disable هنخليها allow listed

ونحط مكان رقم 2 الماك ادريس اللى احنا عاوزينه بس يكون بدون فواصل كمثال دا ماك ادريس لأكسس 00:4f:82:27:ae:0f هنخليه كدة 004f8227ae0f

وبعدين ندوس apply changes

وبعد كدة نختار من فوق Repoot

علشان نحفظ الكلام ده كدة وبعد ما يفتح هيبقى كل شىء تمام

وكدة يبقى الارسال خلص

========================================

الاستقبال بأكسس ايرليف

هنعمل برضو اى بى للأكسس ده بنفس الرينج ونغير المود ونختار نفس القناة زى الارسال



هنختار Universal Repeater

وندوس اوك هيعمل ريستارت وبعد ما يفتح هندوس على setup اللى قصاد Universal repeater

هتفتح القائمة دى



هنضغط على site survey

علشان نشوف الشبكة بتاعتنا ونختارها



بعد البحث دى الشبكات المتاحة هنختار بتاعتنا وندوس connect

---------------------------------------------


الاستقبال ب tp-link 501 سيتم شرحه منقولاً فى الجزء الثانى بأذن الله من قبل الأخ العزيز Lost-Angel من منتدى دى فى دى فور أرب فأنتظرونا و ده لينك للحلقة الثانية:

ويارب المجهود المبذول فى الموضوع يعجبكم