(مجلة همسات الشعراء) نفسى أعرف للشاعر محمد ضباشه

نفسي أعرف محمد ضباشه الفرق بين الحب الحقيقي والحب الزائف أن الأول لا يتأثر بالمشكلات ولا يبهت مع مرور الزمن أما الثاني فهو يتبخر ولا تجد له أثر إذا تعرض لأغراء أو صادفته مشكله نفسي أعرف منك أنت أية خلانا نبعد عن بعض وبدل ما كنا نداوى جرحنا بقيت أنا وأنت نعض في بعض و بعد ما كنا بقينا حبايب وعشت العمر أفكر فبكى وأوهب روحي وقلبي وحبي وكل ما املك ملك ايديكى بقينا يا روحي أثنين أغراب والفرحة بانت في عنيكى ياريت تردى عشان ارتاح ليه بكيتي عيوني عليكى وليه جرحتى القلب ببعدك ونار الهجر تخليكى تهجرى قلبى يا روحى فى ثانيه وتبيعى أيام وسنين كانت فيها الساعة تمر من غيرك القانى حزين واسهر ليلى افكر فيكى وأرسم صورة تسر العين لآجمل قمرا تنور قلبى وأجمل حب شافوه اثنين ليه قطعتي الصورة بجهلك وأنا وأنت بقينا نصين كل نص راح في طريق وما يعرف رايح على فين يمكن قلبك لقى خلانه وقلبى بان وياكى عبيط رسم الصورة ويوم صدقها وطلعت فى الأخر شخابيط ولا الصدق فى حبك غلطة عشها وبكى قلبي المسكين اللي اختارك وصدق حبك ولا عارف يعتب على مين نفسي اعرف منك أنت ليه خليتي عيوني تايهين ومين ضيعهم على أعتابك وأنت وقلبك ساكتين أنا يكفينى أنى بحبك مهما بان أنك غلطانة ومهما كرامتي تقولي كفاية ومهما دموعي نزلت حيرانة اللي يحب ما يعرف يكره وفى الآخر أنت الخسرانة