حلو الكلام
محمد ضباشه
حلو الكلام لما يكون
من القلب خارج يفرحك
تلقاه نغم جوه العيون
والصوت بأدبة يشرحك
وايدين تعانق بعضها
ويبقى السلام فرحان بها
وبسمة نادية على الخدود
وحاجة حلوه بتقول لها
ساعة العصارى تلمنا
والحب يملى عشنا
وتبقى حياتنا بستان محبه
وشجرة طارح حبنا
--
وبلاش كلام زى الرصاص
وبلاش أنا وأنت نكون
زى السمك جوه البحور
وفى يوم ابيعك أو تخون
والدنيا تطفى شمسها
ودموع وحرقة فى العيون
ونندم سوى على اللى فات
ويبقى الطريق مليان أهات
وأرجع ومن تاتى اقول
حلو الكلام لما يكون
لا فى يوم ابيعك او تهون
وألقى السعادة بين ايديك
وألقى الفرح مالى العيون
