زى كل مره
تجرى
وتدفن راسك بحضنى
والندم مالى قلبك
والدموع ع الخد تنزل
تشتكى من هجر الأحبه
وجوه القلب نار قايده
تقول كان حب وعشق العمر
اكتم مشاعرى ومعاها أحساسى
واقول أصبر ربك مخبى لك الاجمل
خبيت عنك عشقى وسهرى وسهدى
ولغرامى وشوقى فضلت ادارى واخبى
ولحد امتى هفضل كدا عايشه
أتألم بنار قربك الممزوج بجمر جرحك
أزاى اهرب .......
من حنينى وحب عمرى وسنينى
أصارحك واكمم جرحك
وقتها هستنى ردك
يا تداوي جرحى ببلسم مشاعرك
او تكمل عليا
وبأيدك تخلص حكايتى
وف كل الحالات
سيبقى شىء ما
أمنية شاكر
