قلبى صاحى بذكرها
صفحة من مذكرات الشاعر : محمد ضباشه
لو فى يوم نامت عيونى
قلبى صاحى بذكرها
وألقى دقه جاية تسال
ليه يا قلبى بعتها ؟
ترد دموع عينى تقولى
أيه جرالنا فى حبها
وفجأه أفتكر لحظة حنان
وأنا مرمى فى حضنها
وأفتكر نفس المكان
اللى خذنى لوصلها
وافتكر حتى الصور
وأنا واقف جنبها
العيون تايهه فى هواها
وايدى ضمة خصرها
ارجع وأقول أرتاح يا قلبى
يرد قلبى سيبتها
ماشية فى طريق وأنت عارف
نهايتة تبقى لوحدها
لو أنت صح خايف عليها
أجرى ورمم عشها
أو روح ونام الله يسامحك
وسبنى صاحى بذكرها
