يبقى مين مســــــئول ؟
سؤال يطرحة : محمد ضباشه
لما ما نعرفش نعمل قانون انتخابات يطابق الدستور
تقدر تقولى ... يبقى مين مسئول ؟
ولما يترشح للبرلمان 120 من أنصار نظام مبارك – وهما فى الحقيقة ديول ........
تقدر تقولى يبقى مين مسئول ؟
لما نصرف 64 مليون جنية علشان نرجع فلوسنا المهربة فى الخارج بواسطة اولاد وانصار مبارك ومايرجعش منها جنية يقول ........
تقدر تقولى يبقى مين مسئول ؟
لما الغلبان والفقير يفطروا ويتعشوا بطبق الفول .........
تقدر تقولى يبقى مين مسئول ؟
ولما الغنى يفترى ويمشى فى البلد دى غول ........
تقدر تقولى يبقى مين مسئول
ولما أطفالنا اللى بلا مأوى فى الشوارع وتحت الكبارى وما فيهم حد ايده تطول .....
تقدر تقولى يبقى مين مسئول ؟
لما احنا عارفين أن قطر وتركيا هما اللى بيمولوا الارهاب – ونلاقى القرار مشلول ........
تقدر تقولى يبقى مين مسئول ؟
ولما القادة العرب يتفاوضواعلى اقامة دولة فلسطين من سنه 67 – لحد اليوم ومتحررش شبر واحد – وكل اللى بنسمعة كلام معسول
تقدر تقولى يبقى مين مسئول ؟
ولما البطالة تزيد وشبابنا ينضموا للآرهاب – ويقتلونا ويدبحونا عجول
تقدر تقولى يبقى مين مسئول ؟
ولما الناس تنام فى عشش الصفيح وفى المقابر والعشوائيات وعلى الارصفة – وفيه ناس تقول معقول ......
تقدر تقولى يبقى مين مسئول ؟
ولما حاجات كتير يطول شرحها – تايهة – ويا خسارة اللسان مشلول
تقدر تقولى يبقى مين مسئول ؟
ولو عندك أجابة
أتمنى ما وقت الأجابة يطول ...
أتمنى فقيرنا ينول ...
أتمنى لسانا يقول ....
أتمنى قرارنا يثور .....
