صاحب صاحبه
مستغرب ليه عشان بقولك ان الشعر ده صاحب صاحبه
ماهى دى الحقيقة وقت مايحتاجه يلاقيه واقف جانبه
مهما يشتكى ليه يلاقيه من غير صوت يساعده ويسانده
طيب انت تعرف الاول الشعر ده يعنى ايه؟
مش مجرد كلام جميل وموزون وله قافية
ده احساس عالى , وبيطلع من القلب للغالى
يدوب الحجر ويميَل العقل والقلب مهما كان قاسى
عمرك شفت السما فى يوم ولقيت النجوم بتتكلم
تحكى لك وتشكى لك عن كل عاشق بتألم
طيب شفت فى يوم نور الشمس فى البحر وهو هادى
هتلاقى الميَه زى مايكون ذهب ويقوت ومرجان صافى
رفعت عينك فى مرة وشفت سرب حمام طاير فى السما
كانه بيقولك رساله من حبيب غلبه الشوق والهوى
أنا بس حبيت اقولك إن الشاعر ده إنسان عادى
بس قلبه هو اللى بيشوف بدل عنيه ودايما لوطنه فادى
ايوه وطنه, لو مش مصدقنى إسأل شوقى ولا البارودى
بس اكيد سمعت عن أبطال قصص الحب الطاهر
ومش غريب عنك اسم كثير عزة ولا جميل بثينه
اللى عشقه ليها كان باهر
ولاَ عبلة اللى عشانها عنتر شاف الموت وجاب مهرها
ولاَ سمعت عن حب قيس ليلى ماشاف فى الجمال زيَها
بس الحقيقة عمرى ماشفت فى الفخر ذىَ المتنبى
ولا حد زعلان على حال الدنيا ذى ابو العلاء المعرى
وأقرأ بقى فى الضحك والفرفشة لابو نواس
ودى ناس قلوبها صافيه وينسوك هموم الناس
وأوعى فى يوم تنسى مناظرات الفرزدق وجرير
مع انهم لا فى يوم سكنو فى قصر ولا لبسو حرير
وغيرهم وغيرهم كتير أقول مين وأسيب مين
أقولك على الحخ وجويده اللى صورهم مليا الميادين
ولا اللى ثوره حركتهم وعلمتهم معنى الحنين
وأنا مهما كتبت مش هكون جنبهم بذرة او حتى جنين