اهداااااااااااااء الى كل شهيد فى مصر

مطلوب للموت

زى اول مرة رن فيها جرس الباب

ساعى الموت قصدى ساعى البريد معاه جواب

مين يا محمد ده.... ده...خاف محمد على امه من العذاب

قصدى عذاب الفراق اصل كان له اخ اسمه عبد الوهاب

مات بنار الغدر على الحدود وهو فى عز الشباب

مين يامحمد ده...اوعى يامحمد انا عمرى ماربيتك تكون كداب

ده كان عم امين ساعى البريد ومعاه من التجنبد جواب

والله وكبرت يامحمد وهشوفك فى بدلة التجنيد زى الشباب

الله يرحمه مات شهيد وانا كل يوم بشوفه فى الجنه مع الاحباب

امى!!! انا مطلوب للتجنيد وجايز اروح نفس المكان

ياولدى ياحبه من عينى ده واجب وحق لربك وبلدك كمان

ماتخافش مش هتكون لوحدك ده جرجس وجورج معاك

ياابنى ده ربنا كريم واحن عليك وعليا من اى انسان

عندك حق ياامى انا هاروح ومش هاخاف ده لكل اجل كتاب

اول ماطلع النهار قوم ياابنى صاحبك بينادى عليك وواقف على الباب

حاضر ياامى انا حاهز بس سبينى اشبع من حنانك شويه قبل الفراق

ياجورج خلى بالك من صاحبك وبلاش زى كل يوم على الفاضى خناق

القطار بيصفر ده هيمشى وجرجس لسه كالعادة ماجاش

ماانت عارف لازم يعدى الاول يصلى ويدعى له كام دعاء

احنا نركب وهو فى القطار اللى بعده يحصلنا على المكان

مشى قطار الموت وهو معاه فى عمر الورد اجمل شباب

وفجاه راح محمد وجورج وكان فى ايد كل واحد منهم كتاب

واحد قران زى وصيه امه والتانى الانجيل عشان يقرا له كام دعاء

عرف جرجس وماكانش قادر يرجع للحارة من غير الاصحاب

رن جرس الباب ام محمد كانت واقفه وفى عيناها دموع فتحت الباب

حضنت جرجس وسلمت لامر الله وقالت هو فى الجنه مع عبد الوهاب

دلوقتى يابلد راح على نفس المزلقان ودلوقتى الشباب كشف حسابك كتر اوى بس من مين هيكون الحساب