الثورة مستمرة

قالو لى ارفع راسك لفوق فانت مصرى

انا دايما راسى لفوق ده كان ردى

بس دلوقتى مش قادر ارفع حتى عينى

مين اللى قام بثورة واسقط نظام كان رايسه حسنى

مش هو برده اللى عمل انتخبات وجاب مرسى

كان املنا فيه كبير .....وقالو لنا ده اول مراحل التغير

ووعدهم كانت زى بلسم تشفى كل عليل

وعلامات صلاة فى وشوشهم وقال فى السياسة احسن خبير

وعرفنا بعد كدة ان ده كان ستار وان عقولهم عقول بعير

وشعب انقسم ميه تيار ولا حد عارف فين الخير

وجابو لنا دستور ........وقالو لنا ده فيه النور

طلع ظلام او بلغتهم الكفر والفجور

وشباب بيموت ونقول دول شهداء فى جنة الفردوس

وناس كل يوم على رقبانا وكرامتنا تدوس

زقالو لنا افرحو ده جاب كام معونه .......وعين اكفء حكومه

وطلع ده كله شحاته يااخى ملعون ابو الفلوس

وسمو شباب الثورة بلطجييه ......... ولا ليهم اى اهميه

دلوقتى الشباب بلطجية وكمان منهم الف عميل

مش دول السبب فى اللى انتو فيه يانكرين للجميل

قالو بلاش شفيق ده هيحول مصر سوريا

والحمد لله الشعب دلوقتى بياكل بدل السمك كابوريا

وسمعنا كلامك ويارتنا ماسمعنا وخلينا الرئيس مرسى

واكتشافنا ان دقنه هى الفرق بينه وبين حسنى

ياميت ندامه على الشباب اللى مات ودمه راح هدر

ولما تسال ياشهيد عن حقك من اللى بيك غدر

هيقولك معلش المرة دى اصل ده كان قدر

وطلع لنا دلوقتى قال حزب جديد اسمه انقاذ وطنى

حزب هدفه ياخد من شعبه الثورة والحكم ولا يدى

قال عايزين مصلة الشعب ياخى انحرق حمدين على البردعى

عشانك ياشهيد الثورة مستمرة

امانه عليك وانت فى الجنة بص علينا مرة

وصدقنى فى يوم هتلاقى بلادنا حرة

وهتكون فى يوم اراده شعب مش زى ماضحكو علينا بمشروع نهضة