ليه تغيبى يا شمس عمرى
دى الدنيا من غيرك سراب
دا نا أشوف الدنيا بعيونك
والرؤية من غيرك ضباب
من غيرك شارد وتايه
وحضورى زى الغياب
عايش وحيد من غير ونيس
مش لاقى فى الدنيا للفرح باب
بائس حزين من غير وليف
زى العجوز وسط الشباب
وغلاوة حبى ما تغيبى عنى
وتزودى سنين العذاب
وتشمتى فيا العوازل
واعيش فى دنيا خراب
لا انا قد نارالفراق
ولا قد قسوة عتاب
لو كان غيابك بإيدك
وكان بعادك بكيفك
وطويتى صفحة كتاب؟
فاتمنى من رب قادر
يكفيكى شر حاضر
وشر كل اللى غاب
ويمتعك فى الدنيا دايما
بكل ما لذ فيها وطاب
أما أنا يفديك عمرى
طالما رضيتى الغياب
*********
