جارى التحميل
استخدم زر ESC أو رجوع للعودة
مظلوم فيها
------------
ظلمتني الدنيا ومش ظالم أنا والله
أنا طيب جداً ومسامح
مايكونش دا عيب
بخرج مـ الأزمه ولـ التانيه وبلقى مداهي
وأنا عمري ما كنت فـ يوم جارح
ولاادا غريب
بسعي للناس من حواليا بالخير دايماً
لكن مش بلقى من الدنيا
غير أوجاعي
وتجيني الطعنه من اصحابي وأكيد بحزن
مقدرش أرد بكام طعنه
وملوش داعي
-
إزاي وامبارح كان صاحبي وزي أخويا
أطعن فـ القلب ومن ضهره ولا أخونه
دنا كنت مسلم ومضحي وقالي أبويا
حاذر من صاحبك ماتخوّن لجل تصونه
-
ودي قصه وكانت بحكيها علشان أثبِت
لكن فـ حياتي كتير غيرها ظلم وباين
فـ البيت وفي شغلي وفـ الشارع وحاجات عدت
وحاجات أهي لسه بجربها وكتير خاين
-
أخْلِص ومقابل إخلاصي ألقى الضلمه
يتّاكل حقي وإخلاصي ويضيع مني
وارجع وأعاتب وأصالح كلمه بكلمه
وأخش فـ نُقره ودحديره وكتير خاني
-
بيقولوا الحق أكيد ضايع إسرق منهم
خد حقك منهم بدراعك ولا بسرقه
نسيوا ان الدنيا ماهيش سايبه تاهت عنهم
في رب فوقينا وهايحاسب وبنار حارقه
-
أنا صابر زي ماقال ربي ويوم نتقابل
إن كان بالدنيا وأيامها أو بالآخره
والحق هيجي من المولى وانا اهه صابر
فـ الآخره يكونلي أكيد أحسن ديا الفكره
-------------------------------------------
بقلمي
الشاعر هشام عوض
الثلاثاء
8 مارس 2016م
