مهاب مميش: زريعة الشبار الأحمر استوردناها من هولندا

إعداد/محمد شهاب

 ماذا عن مشروع الاستزراع السمكى الجديد التابع لهيئة قناة السويس؟

- أنا مش عاوز فلوس من مشروع المزارع، أنا عاوز أشغل الناس وتاكل من خير بلدها لأن دى فلوسهم ودى مياههم، أول ما فتحت المنافذ فى الإسماعيلية 4 منافذ، فوجئت بطوابير قادمة من إسكندرية بعربيات نصف نقل، طلعوا على المطاعم والفنادق الفاخرة واشتروا بـ3 أضعاف الثمن، ثقافة جشع عند بعض التجار، لذلك كان لابد من وضع ضوابط فى الكميات التى يحصل عليها التجار والسيطرة على المنافذ.

قلنا للشباب ييجى ياخد ويعمل منافذ وهاعطيه بسعر التكلفة، حيتان التجار بيبثوا سموم علشان ماحدش ياخد غيرهم.

 هل توجد خطة لتصدير الأسماك المصرية التى تنتجها مزارع الهيئة؟

- بالفعل مطلوب منى تصدير الدينيس والأروص والجمبرى، من بكرة الصبح، لكن صعبان عليا أصدر قبل ما الشعب صاحب المياه والخير ياكل منه. وسمك مزارع الهيئة له ميزة كبيرة أنه غير ملوث يعيش فى مياه نظيفة مجرد أعمل محطات رفع وأدخلها الأحواض، مش مياه ترع، لو مركب رمت ورقة فى القناة بأدفعها غرامة، وكانت صعبة جدا إنى أغير 25% من مياه الاستزراع كل يوم ورعاية بيطرية على مدار اليوم لكن قدرنا نعمل حاجة.. شاهد السمكة إللى طالعة من المياه صحتها عاملة إزاى.

■ الجميع يتحدث عن السمك الشبار الأحمر الذى استحدثتم زراعته لكى توفروا بروتينا حيوانيا رخيصا للمواطن المصرى، فماذا عن هذا المشروع؟

- زريعة الشبار الأحمر استوردناها من هولندا لأن هذا النوع يتحمل ملوحة المياه وفى نفس الوقت يعيش فى المياه العذبة، ورخيص الثمن أرخص نوع بروتين حيوانى نظيف يتراوح سعره بين 17- 20 جنيها للكيلو، الشعب المصرى لما يحب يعمل حاجة بيعملها ماحدش يقلل من عزيمتنا أبدا.