تنمية الاستزراع البحرى فى مصر ... بين الواقع والخيال!
إعداد/محمد شهاب
محاسب/محمود عبد الهادى (صاحب مزرعة سمكية فى إدكو-محافظة البحيرة)
فى 2007 تم اعداد خطة للتنمية الزراعية المستدامة حتى 2030 وكان ضمن اهدافها ان يصل انتاج مصر من الاستزراع البحرى الى 200 الف طن فى 2017 و 250 الف طن فى 2030 , ومن أجل تحقيق تلك الاهداف خططت الحكومة لعدة مشاريع لتحقيق طفرة
فى الانتاج فطرحت فكرة الاقفاص فى وادى مريوط والبردويل والاستزراع على مياه الترسيب ومشروع اخر فى شرق التفريعة .
وقد حظت تلك المشاريع بدعاية كبيرة وشملت رسائل اعلامية منها اننا سنحقق طفرة فى تصدير الاسماك البحرية للاسواق الاوروبيه المتعطشة لاسماكنا البحرية؟!
وبما ان الاستزراع البحرى فى مصر قائم بشكل رئيسى على استزراع اسماك القاروص والدنيس فهل صحيح السوق الاوربى متعطش لاسماكنا ؟ بعيدا عن الجودة ..دعونا نرى احصاءات انتاج اسماك وزريعة القاروص والدنيس فى اوروبا لندرك الواقع .
فى الاحصاءات اجمالى انتاج القاروص والدنيس فى 2008 مساوى للانتاج فى 2014 , تفسير ده أيه ؟
عندهم مشاكل زى عندنا طبعا فى الزريعة؟ لا طبعا عندهم ما شاء الله زريعة كتير وانتجو زريعة حوالى مليار و92 الف فى 2014 .
عندهم مشاكل فى الدعم الحكومى زينا برده ؟ لا بالعكس اكبر المنتجين فى الاتحاد الاوربى كان ضمن اسباب مشاكلهم فى الازمة اللى حصلت فى 2002 / 2003 هى الدعم المبالغ فيه واللى ادى الا طفرة فى الانتاج والسوق لم يستوعب كل تلك الكمية فحصل انهيار فى الاسعار و بعد ما كان فى اليونان اللى هى اكبر منتج فى العالم وقتها حوالى 269 شركة فى سنة 2000 وصل عدد الشركات الى 167 فى 2002.يبقى اسعارهم اعلى مننا واحنا بسهولة هنعمل لهم اغراق ؟
لا طبعا اسعارنا تقترب من ضعف تكلفة انتاجهم ولو عندنا سوق كبير كانوا اغرقوا السوق .يعنى أيه مش هنحقق ده ؟اه باللى احنا ماشيين بيه ده.. !وياريت لو فى حد بيتخيل اننا ممكن نحقق ده يقول لنا كيف ؟
ساحة النقاش