اه لو حد بس يسمعنى
يفهمنى
مش مشكلتى انى ابقى عايشة لوحدى
مش مشكلتى لو كل يوم كنت بغنى
عشان الطير يسمعنى
يمكن هو بلغته يفهمنى
بس حتى الطير طار وسبنى
مع انه عارف حكايتى
وعارف انى لغيره ما هغنى
مشى ولما مشى فضيت الدنيا تانى
وارجع ادور عل اللى يسمعنى ويفهمنى
مش مشكلتى ان ابقى عايشة لوحدى
مش مشكلتى لما اسامح واقول معلش
وفى الاخر الاقى الوش هو الوش
مع انى غير الصح معملتش,
ولا انا دايما غلط بس هو مايغلطتش
ملاك نازل من السما بس احنا مابنقدرش
مايعرفش بكلامه بيعمل ايه فى اللى قدامه
كلام كأنه سهم
يوجع اوى,
تصرخ اوى,
ولما تيجى تتكلم
تلاقى مكان السهم جرح
تستناه يجرى ويقولك سماح
تستناه يلحقك
ويشيل سهمه اللى بيوجعك
وتفضل مستنى
والوقت بيعدى
بس بيخذلك
تتضطر تشيله بايدك
وتداوى جرحك بدموع عينك
وارجع واقول لنفسى
كويس انى عايشة لوحدى ....
ساحة النقاش