اضغط هنا لزيارة موقع الرابط

دمعة رجل

ولمَّا نزلِت دَمعتِى

قالُوا إيه يبكِى الرجَال

قُلت نظرة طفل يبكى

بِيمّد إِيدُه بِالسُؤَال

طَالِب بَس لُقمَه واحده

تِملَى بَطنُه بِالحَلال

عُودُه أخضَر بَس مَحنِى

أيوَه مَحنِى بضِيق الحَال

عِينُه فِيها نظرَة صَعبَه

فيها كِلمَه نِفسَهَا تِتقَال

فيها حِيرَه وفيها دَمعَه

فيها يِيجِى مِيت سُؤال

فيها دمعَه نَازله تِبكِى

على خَدّ حُزنُه طَال

إِيدُه كانت وَردَه بِيضَا

جِه عَلِيها تُرَاب ومَال

شَقّ فِيها جَرح أحمَر

شُوفت مِنُّه الدم سَال

مَدّيت إيدِى لِمست إيدِيه

حَسّيت حُزنُه جُوّا ف دَمّى

جُوّاه حُزن كتِير مِدَارِيه

حَسّيت هَمُّه كأنُّه هَمّى

ولمّا عِينِى جَت فِ عِنِيه

قَاللّى هَات بَس جنِيه

نِفسِى أجِيب أكل ل أُّمى

بقلم /سيد عبدالوهاب