إحضنينى
جمرات / عبدالعظيم الأحول
القاهرة - فجر الثلاثاء26 /8 /2015م
خبى همسك جوا منك
واحضنينى
أصل انا عطشان حنان
اعصرينى ف حضن حبك
وان زعقت ما ترحمينى
شتتينى
وزعينى وجمعينى
إسكنينى
يللى نور القمر
من نور عنيكى
كل شوقى بيناديكى
إرسمينى ع القدر
كلمة محبة
تشتهيها الروح وهى بين إيديكى
بس إوعى تخدعينى
عايز الأحضان تلملم عمرى كله
تتلغى
كل المسافة المرة
ما بينك وبينى
@@@@@@@@@@@@
إليها
إلى المتربعة على عرش إحساسى
إلى الغائبة الحاضرة
إلى من تحضنها روحى عبر أثير الشوق واللهفة رغم بعد المسافة
فكان هذا الحضن يتخطى حدود المسافة ووحشيتها ليصل إليها ويخبرها أنى أحبها وأنى أحترق شوقا فى بعدها
إليها ، ، ، بل إليك حبيبتى
إليك يا أنا
ساحة النقاش