مجنون
....
ياصابره علي أملي بابنيه حارات وبيوت
اتمشي بين جملي وامحي ف ليلي الموت
أنا بارسمك قمره
فوق في السما السابعه
حواليها نور وياقوت
يا آهه من جمره
راجعه المني راجعه
فيها الهنا منحوت
فما تشغليش بالك لا بويل ولا أحزان
ياللي العسل خالك
وعيونك البستان
خليكي بين إيدي .. وان شفتي تنهيدي
امحيه بطعم ولون
من لون عناقيدي.. زيدي الهوا زيدي
والعاشقين مجنون
ياغنوة يا مبتدي
ياضحكة متمرده
علي الغنا والصوت
الفرحه بين إيدنا مدي الإيدين مدي
غنيها هتزيدنا والورد هيندي
يملا الطريق بعطور
وان حتي فينا كسور
بالورد هنعدي
ع المستحيل هنفوت
فما تشغليش بالك لا بويل ولا أحزان
ياللي العسل خالك
وعيونك البستان
خليكي بين إيدي .. وان شفتي تنهيدي
امحيه بطعم ولون
من لون عناقيدي.. زيدي الهوا زيدي
والعاشقين مجنون
ياغنوة يا مبتدي
ياضحكة متمرده
علي الغنا والصوت
كلمات
#مدحت_المرسي_سليم
ساحة النقاش