1 hr
اللى باقى م الحروف
بقلمي /عبداللطيف شاش
أنتهى زمن الحروف
جوا سراديب الظروف
والفكر صامت مستكين
قاعد على عرش الأنين
دا العجز أحساسه لعين
لما يرفض العزوف
واللى باقى م الحروف
حبة حروف
حاضنه الشفايف
هيا عاشقه
وهوا خايف
والفراق طل عليهم
لما شاف شوق عينهم
رامى نفسه ف الوداع
هوا حاسس بالضياع
هيا جاهزه للصراع
بس بكلام الأغانى
هوا عمره ما كان أنانى
رافض يعشق بالخداع
هيا راسمت الأمانى
كام شراع
فوق مراكب من خيال
هوا قال صعب المنال
هيا قتلت الآمال
بحبة حروف
لسه باقيه من زمانها
هوا عاشق
وهيا حاسه أنه خانها
ساحة النقاش