حاطط قلبك في ڤاترينه
كاتب يافطه معروض للبيع
هتبيعه كده لاول شاري
يجي و يخبط علي بابك
ولا هتعرضه بين المزادات
مزادات الحب العلنيه
و تبدا مزادك و تعلن تقول ...
قلب طيب ..
طيبه تاعبه صاحبه منه
قلب يتحمل جروح
سببتها ليه الظروف
مش هخبي .. ليه عيوب
عيبه في الحب اناني
عيبه مبيعرفش يكره
لو كره .. ممكن يموت
حد شاري قلبي بعد وصفي ليه
حد ناوي يعيش مشاكلي
حد يستحمل جروحي
حد جوه روحه شكلي
مافيش شاري ؟! ..
مافيش ناوي ؟! ..
ولا حد هيستحمل ؟! ..
لكني برده مش هيأس
هشيل قلبي بڤاترينته
و الف و ادور بين المزادات
اكيد مره هشوف شاري
لقلبي بكل تفاصيله
اكيد هلقاه ماشي يدور
علي قلبي و مواويله ..
نشرت فى 18 أغسطس 2015
بواسطة hamsmasrhamsma
مجلة همس مصرللشعر والأدب
البحث
تسجيل الدخول
عدد زيارات الموقع
27,679
قصيدة لما مال العود
.لما مال العود وقال
يالا حعزف للجمال
لما غنى الورد لحنه
من حنانه الشهد سال
لو حتسأل يا حبيبى
دى الإجابة ع السؤال
ده أنت حلم الُعمر كله
ده أنت ساكن الخيال
لو بعدت عنى يوم
يبقى بُعدَك شئ مُحالْ
المشاعر جوه قلبى
والله زارعة شجرة طارحة
لو دخلته فى أى لحظة
ح تلاقيه ب فستان وطرحة
أوعى تُخرج منه تانى
جوه منه تشوف حنانى
لو في لحظة تهت منك
هو ح يقولك مكانى
بس أوعى تقول لقلبك
إن قلبى كان أنانى
ساحة النقاش