بغير عليك يا أدب
***************
أعتب عليك ياأدب
ولا على ناسك
شكل الميزان اتقلب
ساسك بقى راسك
م ف كفة كان الطرب
سجعك مع جناسك
والتانيه كانت دهب
وانا قصدى احساسك
طب ليه يصيبك عطب
فين هما حراسك
مش اى اسم انكتب
تديله نبراسك
من فترة كانوا العرب
بيعدو انفاسك
مهما خطيبهم خطب
يحتاج لكراسك
وبرغم جمع الحطب
حفظك ف قرطاسك
دلوقتى قال اتحجب
عن ندوتك ناسك
طب قلى كيف انضرب
مع الرماد ماسك
ياسر التونى
عدد زيارات الموقع
.لما مال العود وقال
يالا حعزف للجمال
لما غنى الورد لحنه
من حنانه الشهد سال
لو حتسأل يا حبيبى
دى الإجابة ع السؤال
ده أنت حلم الُعمر كله
ده أنت ساكن الخيال
لو بعدت عنى يوم
يبقى بُعدَك شئ مُحالْ
المشاعر جوه قلبى
والله زارعة شجرة طارحة
لو دخلته فى أى لحظة
ح تلاقيه ب فستان وطرحة
أوعى تُخرج منه تانى
جوه منه تشوف حنانى
لو في لحظة تهت منك
هو ح يقولك مكانى
بس أوعى تقول لقلبك
إن قلبى كان أنانى
ساحة النقاش