إنتي إيه 
..........
إنتي إيه دلوقتي 
عندي ..
كل مرة من عينيكي 
بتسأليني 
وأما أقرب إني 
أقولك ..
تيجي ماشية تسلمي 
وتودعيني 
..........
بس انا محتاج دقيقة ..
لا مش اكتر من 
دقيقة ..
واقدر اوصف تبقي 
إيه 
...........
إن عطفتي بتبقي 
أمي ..
وإن ضحكتي 
انا بنسى همي 
وأما قلبك ينفتحلي 
بقول دي أختي ..
وأما بتحسي بدموعي 
بقول حبيبتي 
...........
لو فرحتي بتسعديني ..
وإن حزنتي بتجرحيني 
وأما ببعد ..بتلاقيني 
تبقي إيه ..
قولي إنتي..تبقي إيه 
...........
أقولك أنا ... تبقي كل دول ..أمي .. وأختي ..وحبيبتي 
محمدعبدالرحيم