اليسكت ينضرب
حسان الامين
اش مالك يا شعب
توك مشيت وبين بيك التعب
ما عودتنه تسكت ع الهوان
وتعاتب ل لي يستحق العتب
واحد وره الثاني وكَعنه
وما عرفنه حتى السبب
جنه ما نقبل بالاهانه
واليوم نسكت لو واحدنه انضرب
ودم شعبنه سال
وغاصت بيه لحد الركب
يوميه انفجارات وقتل
وانوعدنه بالأمان وأنتظرنه
وصرنه للنار الحطب
خلهم يفرحون ويبدلون الكراسي
وخل نئن احنه
وخل يركصون ويزيدون الطرب
ومن يعيدون الكَرَّه علينه
هم نركض الهم ونروح وننتخب
لأن اليسكت عل الضيم
على الركَبه يستاهل ينضرب
اليسكت على الضيم دومه ينضرب