مهلبية محمود سعد(برنامج مصر النهارده)2010
على بوابه 15 من مبنى التليفزيون
حطوا اسوار حديديه بين امس وبين اليوم
وقالوا لنا هاتوا مطالبكم 
مظالمكم او افكاركم
احنى هنا اهو لخدمتكم
ولخدمه المظلوم
*********************************
جيتلكم من اخر الدنيا
متشحطط طول اليوم
ووصلت الساعة 8
بعد ما ضاع نص اليوم
وسألت ييجي كام واحد عن مبنى التليفزيون
لما وصلت بأعجوبه ولقيت ييجي ميت انسان
الى معوق على كرسى ولى قاعد تعبان
ولى من كتر همومه شارد بعنيه سرحان
ولى عينيه رايحه وجايه على بوابه حديديه
فارقه بين يوم وبكره وامل مربوط على فكرة
ان مشكلته تهون 
على بوابه 15 من مبنى التليفزيون
فلاحه من الارياف
فى ايديها ماسكه قلمها
والتانيه عليها كفاح 
وقصائد لو هتقولها
يشلوها على الاكتاف
اصلها عن مصر قالتها
عن معنى الحب فى ذاتها 
عن مبادئها ومعانيها
وقضايا حلها فيها
جايباها هديه معاها علشان حد يغنيها
ويقول فى هواها حكاوى
وانها ابدا ما تهون 
على بوابه 15 من مبنى التليفزيون
من بين قضبان البوابه جه واحد خد مظالمنا 
واختفى عن عينا وراح
ووعد الكل بأنه راح تنحل ويرتاح
لما هتشوف الشاشة على الهواء هتلاقى جناح
وتطير على اقرب واحه 
هتلاقى فيها براح
واهو كل شئ بيهون
على بوابه 15من مبنى التليفزيون
بدأ البرنامج رايق اعلان ورا كام اعلان
والكل مأمل انه يسمع عن نفسه كلام
لكن الاستاذ محمود موصلوش ولا عنوان
من ميت واحد كان واقف ادام التليفزيون 
عدى اسبوع والتانى والثالث هو الحال
ولا قالوا كلمه علينا وورقنا مع الزبال
اهانونا بإستهترهم وجعونا من اهمالهم
حرقونا بنار احباطنا ومشينا نكلم روحنا
ونردد كده بجنون 
على بوابه 15 من مبنى التليفزيون
انتحر الاول حتى اسمك على الشاشة يكون 
ويقولوا عليك مجنون
من بوابه 15 على مبنى التليفزيون
هناء حواس