وين الحزن
بقمة سعادتها 
وتكَلي وين الحزن
ما تدري الحزن ابكَلبي
ودوم بصبري يمتحن
يامن تريدينه انطيني شويت فرح
بلكي حزن الكَلب منج ينشحن
الله يكتبلج السعاده والفرح
حتى لو روحي لاجلج تنسحن
وما اريد دمعه حزن
تنزل من عين الاحبها
وحتى لوجانت دمعة فرح 
ما عدها يمي وزن
متعجبه ليش من السعاده والفرح
هم شفتي ابيوم 
انجمعت التعاسه ويا الحسن
وانتي حسنج ما ورد على انسان
يا الحسنج للمتغرب
اجمل وطن
بطلت لاجلكم اكتب قصايد عتب
والمجروح من يغَني 
يطلّع من داخله اجمل لحن
حسان ألأمين