*حكاية الفول*
‫#‏الاب‬>:
صبح عليا يابنى
صباحك بيعجبنى
اوعى تكون مشغول
-
واياك تزعل
فى يوم الفول
هو اللى عايش
معاك على طول
-
تفطر تغمس
بصارة ومدمس
وتجرى زى الغول
-
وان اكلت طعمية
تجيلك صحة قوية
صدقنى اوعى تقول
-
يحسدوك يابنى
وتمرض وتتعبنى
وتعيش معلول
-
وتجيلك اللحمة
وتروح فى الزحمة
ويقولوا عليك مهبول
-
طبق فول وكفاية
وحتة جبنة وبصلاية
يبقى كدا معقول
-
‫#‏الابن‬>:
كل يوم طعمية
وتقولى صحة قوية
الواحد بقى مشلول
-
يارب يحسدوك
ياعم الفول
وتغور من هنا
وتزول
-
وتغور البصارة
واتعشى لحمة جزارة
والعضم يكون منسول
-
وانا يابا هألغى صداقتك
وغلطان اللى صدقتك
كفاية ماعدت تقول
#الاب>:
هى فين الفلوس
يابن القرد يامنحوس
اقفل بقى المحمول
-
وذاكر دروسك
وحافظ على فلوسك
الجنيه صبح مقتول
-
وانا هأغلق صفحتى
واشوف زراعتى ومعزتى
وراضى اعيش مذلول
-
#الابن
بتقولى يابن القرد
وسايقلى فيها العند
انا عارفك انت فلول
-
يارب المعزة تنسرق
ويجيلك باليل قلق
ويعيش معاك على طول
-
ولا مذاكر ولا مراجع
وهقطع المراجع
اغرب عنى وزول
*
بقلمى فارس بلاجواد