يلاه انسي يا دموع
ليالي الهجران والصد
اصلو مفيش رجوع
ايه باقي لنا ما تهد
الآه ساكنه الضلوع
و جرح ايامو ما تتعد
البكا بقى مسموع
في الهزار في الجد
ياما ايدنا الشموع
و ملقناش يوم حد
يلا قولي يا دموع
ياما جرحتي الخد 
وقلب بقى مخلوع
عايش بين جزر ومد
وروح دايما ف طلوع
حتى السلام لنا صد
الحب عاش موجوع
مين سأل عليه بجد
احنا في زمن ممنوع
آه العذاب احلى وعد
اللي شبع بعد جوع
ميلومش عليه حد
الجزع له ياما فروع
فيه اللي كلو حب
فيه اللي عايز قطع
ارتاحي بقا يا دموع
كفايه هجران وصد
(دموووع عااااشق)
الشاعر مجدي فرحات