اول قصيدة كتبتها كانت ﻵمي
مكنتش اعرف وقتها
امتا ابكي وامتا اغني
امتا اكتب ليها كلمة
امتا ارسمها فى بسمه
يعني ايه حتة مني
اول قصيدة كتبتها
كانت في اسيوط
مكنتش اعرف 
يعني ايه سيادة دولة
يعني ايه بركة اسود
بس كنت اكتر صبي
يلعن يشتم في اليهود
كنت استغرب لما اشتم
ولاقي السقف والتكبير
ايوه كنت عيل صغير
بس كان سؤالي كتير
عشر سنين بس عنود
هم ليه يرموا رصاص
واحنا ليه نرمي طوب
يعني يستعمر ارضي
يعني ايه عرفات يموت
واكتر واحد كان جرئ
شعاره بقي سكوت
اول قصيدة كتبتها
مكنتش اعرف ايه رئيس
مكنتش اعرف ايه خوف
كنت لسه صبي اعمى
مكنتش لسه لعنت اليوم
اللى حلمت فيه اشوف
اول قصيدة كتبتها
كانت دار للعلوم
كنت لا تعرفها فرح
ولا بتحكي عن الهموم
ولما ذكرت فيها القمر
اتخبئ بين الغيوم
كنت اعاند فيه واكتب
ومن الغيوم كنت بهرب
ولما نهيت القصيدة
لقيتها مدح في النجوم
رغم ان كلامي واقع
لا حد كان يعارض فيه
ولا كنت الاقي ليه مدافع
ولا حد يقول انت جاهل
بالعكس الكل كان يقول
بكرة تكبر وتبقى شاعر
كان الكلام يحرق دمي 
ولما قلت ده واقع 
يقولوا فكك بقي يا عمي
اول قصيدة كتبتها
كانت اول جراحي وهمي