هى فين ؟!
*********
صوت فقلبى بيندهك 
حيرة فعنيا بتسألك 
هو ده اللى اتمنيتيه ؟!
هو ده اللى اتبعت بيه ؟!
غربه و عذاب
وفراق وتيه 
حيرة فعنيا بتسألك .
****
هى فين الذكريات ؟!
تيجى تشهد علّى فات 
تيجى تحكى ع الوعود
ع الالم . وسنين بعاد 
ع العذاب والموت دهور
تيجى تحكم علّى القلوب 
هى فين الذكريات ؟!
*
ولا فين 
التنهيدات ؟!
صووتك سجنّى للممات 
جوا حبى بجملتين 
" انا روحى فيك "
و" انت عندى نن عين"
هى فين ؟!
*
ولا فين 
الامنيات ؟!..
كان فيه ما بينا كتير وروود
كان فيه شجن وقلوب تدوب 
لما تسمع بعضها.
لما تلمس حلمها .
الروح تغيب و الشوق يعود .
هى فين الذكريات
ولا فين التنهيدات 
ولا فين الامنيات ؟! ..
كله مات .. كله مات ..
***
بقلمى
بهاء اللبودى