يا أحلي عيون 
ليك بكتب قصتى 
عاشق انا ... 
والبعاد ضيع خطاوي سكتى 
مبلاش عناد ... وسكتى دمع العيون 
خايف في يوم ... عهدك اخون 
وتاخدنى ايدين الوجع تحت التراب 
معرفش ليه ؟؟ 
هو الوجع 
سكن الغناوي ف سكتى 
والخطوه ماتت في الصدود 
زي البرود نبضى 
رصاص بيرشق 
والصدى في الصدر آهه 
توصل لعنان السما 
ميهمكيش ... 
ميهمكيش منى وكونى ف سكتك 
كيف شمس طالعه 
نوري كل الظلام 
بدر المحبه فوق جبينك 
نور ف قلبي الظلام 
لكن مازال قيدك في ايدى 
ومحبتى 
قوت الغلابه 
ف صحرا خلفها الامان 
عمري انا .... 
في البعد شبه بلادنا لما يهجرها الغرام 
شبه الملاجىء والخيام 
شبه ليل ... 
ف حضن اطفال ف الشتا كانوا ايتام 
والمطر من غير سحاب 
من عيونهم والهداب 
امنحيهم بس نظره 
من عيونك لو سراب 
وقعى لهم بالمحبه 
وغيبي دايما ف احتجاب 
قولي انك لسه باقيه 
ع الوفى وعهد الصحاب 
قولي حاجه اي حاجة 
يا شمس طاله 
بعشق غاب 
........ ‫#‏نورمحمد‬