أنا الإنسان أسير عندى
وريث لخطيئه مكتوبه
ماليش ذنب ف خطأ جدى
و لا ف أحلامى أعجوبه
أنا شهيد القلم و النور
و خاين ذكريات و عبور
بنيت مجدك على كتافى
و على أشجانى متعافى
أنا رصيف نام عليه ولادك
و ضحكه بتبكى فى حدادك
سبيل طاعه و منابع نيل
فى حبلى الصرى صوت مواويل
أنا تاريخك و بكره الجاى
يا ناكره الوعد زاد نوحى
عشانك كنت فى عزفك ناى
كامانجات ترجمت بوحى
يا وطنى فى غربة الأحلام
و سجن العشق حريه
سيبيلى حبيبتى تواسينى
تشيل حبة جروح فيا
حرام تستهبلى فى عشقك
و تعملى بطله على هجرى
أنا الموجود فى غياباتك
و أنا العايش فى موت قبرى
هانى آدم