معاكِ انتِ الحياه تتعاش
ومن غيرك دي ما بتسواش
وقربك مني عوضني
بأحلى سنين.. 
صدى صوتك انا سامعه
نغم وحنين
حديث الأمس في بالي
وصورتك ساكنه نن العين
ومهما اوصف
انا لسه ما بوصفهاش
وبرسم حلمي علي كفك
بعيد لكن انا شايفك
وبعشق حتى ذكراكِ
منين ما نكون انا معاكِ
واسمي غنوة بشفايفك
حنين الحب يجمعنا
معاكِ العشق لُه معنى
وليل السهد حكايتنا
يعود زمن الحنين نسهر
ولما الموج بيحدفني
يغني العشق في جفني
وساعه تمر تجرفني
علي درب الحبيب ارحل
وقلبي من الحنين يثمل
ونبض القلب يسبقني
تروح روحي من الفرحة
حبيب الروح بيلحقني
وندخل جوا مدن الشهد
ونتقابل هنا على وعد
انا وانتِ ما فيه تالت
وما بيني وبينك عهد
اميره بشعرها المجدول
وعاشق جاي م المجهول
واسطوره تعيد وتقول
انا كل الجمال حدي
انا عشت الزمان وحدي
وحاسس ان انا في الحلم
بحارب خطوتي والظلم
ولا يشغلني غير إني
أكون جنبك
أكون لونكِْ
وأسرق م الزمن فرحة
تدوب الفرحة في عيونك
انا سميتك الضحكة
وانا المجروح
انا خليتك الخطوة
منين ما بروح
ومش خايف من
الدنيا ولا الايام
انا ساكن في قلبي
الحب والاحلام
ولو تنسيني ياحبييتي
انا ما انساش
معاكِ انتِ الحياه تتعاش
ومن غيرك دي ما بتسواشْ
‫#‏عمر_محمد‬
شعر العامية