هو ده أصل الحكاية
من البداية.... 
حتى ما بعد النهاية
قلب واقف ع الغيوم
يعِد نبضُه... 
يفتكرزمن المواجع
يرسم الحلم اللي راجع
بين حروفي كل يوم
كان في يوم وياما كان
كان فيِ هنا ف نفس المكان
شجرة أمل.....
بستان أمان
ومطر حنين گ النسيم
وصبية عيناها جحيم
حبيبة ساكنة في الصميم
والقدر .....
هو اللي يحكم ع القلوب
هو الوحيد اللي يقرر
مين ينجلد...
ومين يدووووب
هي الحقيقة
بدون بديل
حكاية تانية بتتزرع
في حقول المستحيل
وبرد عطشان للدفا
وعليل بيتمنى الشفا
ولسه عايش ع الأمل
يتحقق الحلم الجميل
صِرت اشوف....
الكُل شكلِك
وكمان بعيش....
حتى ف مشاكلِك
مُجرد النظرة ف عيونك
بوصلة تهديني الدليل
قلبي مركب
وانتِ مينا
عينيكِ سهرة كل ليل
وبالنهاية
يمكن الأقدار تِغَيَرْ
في الحكاية
واللي ما يكتبه ربي
هو ذاكَ المستحيل......
‫#‏عمر_محمد‬
‫#‏شعر_العامية‬