أنا لدرت فيك اللامان وخدعتني
بالغالي شريتك وبالرّخيص باعتني
مع أغلى صديقة ليّ ....رحت و خنتني
ما خبرونيش الناّس شفتكم بعينيّ
في الخفا كنتو ضاحكو عليّ
وانا لمشيت معاك ومعاه بالنيّة
وشحال بزاف أنا حبيتك
تكون حلالي اتمنيتك
سنوات صابرة واستنيتك
و في الأخير كنتُ الضحيّة
شففتها معاك و كذّبت عينيّ
ذيك اللّي كانت عزيزة عليّ
بين يديك كانت مرميّة
ضحكتها من بعيد سمعتها وذنيّ
نستهل...وحدي جات عليّ
مهما بكيتي يا عيوني...
الخاين باين...راهم ظلموني
كذّبت إحساسي و ظنوني
محال صديقتي وحبيبي يخونوني
بطعنة غدر في القلب صابوني
نزفت جروحي وبكات عيوني
بكمت وما عرفتش علاه خدعوني
هذا ليمشي مع النّاس بالنية
تشلّ جسمي وتربطو يديّ
آه يا زمان واش دارو فيّ
نوكّل ربّي ونخّليهم
نروح نروّح ونبعد عليهم
راح يجي اليوم و نطّل عليهم
و نشوف دمارهم بعنيّ
اللهم لا شماتة ...حقّي رجع ليّ
و اعْرَفْ وعَرْفَتْ... ديما يسلك
مول الخير والنيّة....
هم لخسروني أنا الطيّبة النقيّة...
ــــــــ بقلمي بنت وادي الرمال ـــــــ
خاطرة عاميّة (( مرارة الخيانة)