كتب قصه حزينه عن جندي شجاع ومحب يرسل رساله لحبيبته قبل يوم من إستشهاده يذكر بختامها أبيات شعريه يقول فيها :
گلولها أبين الفشگ يمشي ويدور اوصافج
گلولها الماينجرع ضگته وجرعته أخلافج
ومابينج وبين الوطن ؟؟
گلبي انثلم !!
نص منه عالساتر بقى والثاني اجاج وطافج
واخر وصية بهل قلم
لمن يلفوني بعلــــم شيليني فوگ اجتافج !!!
أثرت بي الابيات لأكتب :
گلولها بغيض الحرب
لاحت لعيني أطيافج
گلولها ماخفت
بوجه المنيه أضحكت
من مرن علي بسماتج
صرتيلي غيره وهوست
بسلاحي لمن هلهلت
محبوبي شلون أستاهلك
لا والله لا ما اخذلك
ولا اخلي نذل اليوصلك
صدري أسوي ساتر إلك
فنه اليمر گبالك
إوصيتي اذا باچر متت
وباللحد گبالچ مددت
لتخليهم يمنعونچ
إبچيني ويه دموعچ
وهيلي عليه ترابچ
هيلي عليه ..
عليه ترابچ
جلال