كلميني عن هوانا 
عن براءتك عن حنانك 
عن عذاب 
كان يوم دوانا 
عن بكانا مع النجوم 
عن عراكنا مع الغيوم 
عن صبانا..... 
فكريني....... 
هي ايه اصل الحكايه 
واعذريني.... 
اصل مش فارق معايا 
حبك انتي راح خلاص 
حبرك اللي كان ساحرني! 
اتمسح من الكراس
اللي ورقه كرهك انتي من الاساس 
شوفتي عملتي ايه في نفسك!!؟؟ 
ده انتي كنتي بالنسبالي ماس 
كنتي زهره ساكنه جوه قلبي 
والكرامه والمشاعر كانوا ليكي 
عبيد وناس؟!.... 
كنت فاس.........!
بضرب الارض بكفوفي 
يزرعوكي بذور احساس 
كنت ممكن امشي حافي 
ونتي لابسه احلي مداس 
ياما حذرتك ياعمري 
ياما قولتلك اسمعيني 
كنت شايفك شمس قمري 
ونتي عاشقه دمع عيني!! 
ساكته ليه ماتكلميني....... 
اه بقولك..... 
هو مين شمسك وضلك؟ 
هو مين روحك وكلك؟ 
هو مين اللي بإيده 
حط بذور وردك وفلك؟ 
ردتيها يا زهره ليه 
غيطان كتيره بذرها..... 
غدرك وزلك 
هو ده رد الجميل 
بتعذبيني؟؟؟ 
ساكته ليه ماتكلميني 
اشتريتك بالهوي 
وعشقت عيشته 
اتمنيت نكون سوي 
حلم انا اتنفسته 
كنت بدعي ربي كل يوم 
واقول امين...... 
وفي عز الحلم انتي 
قطعتي عني الاكسجين 
فجاه مات الكون في عيني 
الحب والعشق والحنين 
حتي ونتي بتودعيني 
استخسرتي اموت ذليل 
الف شكر يا زهره ليكي 
وللبديل 
امشي من ادامي اتركيني 
وقبل ماتمشي اعذريني 
لو حنيتي تاني ليا 
اوعي تيجي تكلميني 
#عمرواللمعي